山一 (Closed)

話說早幾日同朋友試完lunch, 覺得食物唔錯，環境都幾好坐，於是乎今日又再次幫襯，想試吓佢做緊半價嘅期間限定「山一和風盛合」。呢個盛合都幾多嘢食，有鰻魚玉子芝士卷、三文魚刺身、八爪魚、甘栗紫薯餅、豚肉生薑燒丼、和風野菜沙律同綠茶麻薯。呢個餐原價$218，做緊優惠，半價之後$109。另外叫咗一個吉列黑豚湯稻庭烏冬定食。盛合入邊嘅食物質素都唔錯，豚肉生薑燒丼比正常分量少啲，不過都可以理解，因為個套餐都好多嘢食，唔會唔夠飽。吉列黑豚烏冬就同上次食嘅一樣，黑豚肉炸得好香脆，烏冬好滑，值得推介。總括嚟講，環境幾好，食物質素唔錯，會繼續幫襯。張單仲可以憑票尾下次當$20用，都算有少少優惠。