Video
Read full review
2024-05-18
305 views
比錢買難受OpenRice買咗優惠券$198一位，包燒烤&火鍋&刺身（額外加$50一位服務費），價錢算平。星期六晚同朋友8點左右去食，唔使等位。入到去坐低之後全部嘢自助，包括火鍋個爐（類似一人鍋size）都係要自己出去裝湯同拎埋嗰煲翻座位🥹 坐低之後即刻出去攞刺身，原來要帶埋張貼紙去門口類似刺身部嗰個位，每人每次只可以攞三款刺身，每款兩三件左右， total得個八九款😂最好笑係我攞完三件三文魚帶子之後坐低食完，想出去再攞已經冇晒。。。嗰陣先係八點幾。同佢講甜蝦佢俾咗虎蝦，個樣仲要勁唔新鮮，我問個職員尼款係甜蝦？個職員就話呢個已經係甜蝦㗎啦😂三文魚同帶子一般般，其他好難食。燒烤方面，全部肉都好難食，一咬落去就知唔新鮮，好多更加咬唔開，得雞翼算係正常。出面自助可以攞嘅嘢食種類好少，醬料例如蔥花芫荽同生果我一入去已經俾人攞晒，仲要成晚係冇refill嘅🥱甜品方面都係得好普通嘅啫喱布丁同雪糕，我地九點幾已經離場。兩個人都成$500，但我覺得食物質素完全唔值呢個價。離開咗間鋪10分鐘左右朋友即刻衝咗去千色店廁所肚瀉🙂唔會再幫襯！
OpenRice買咗優惠券$198一位，包燒烤&火鍋&刺身（額外加$50一位服務費），價錢算平。
星期六晚同朋友8點左右去食，唔使等位。入到去坐低之後全部嘢自助，包括火鍋個爐（類似一人鍋size）都係要自己出去裝湯同拎埋嗰煲翻座位🥹
坐低之後即刻出去攞刺身，原來要帶埋張貼紙去門口類似刺身部嗰個位，每人每次只可以攞三款刺身，每款兩三件左右， total得個八九款😂最好笑係我攞完三件三文魚帶子之後坐低食完，想出去再攞已經冇晒。。。嗰陣先係八點幾。同佢講甜蝦佢俾咗虎蝦，個樣仲要勁唔新鮮，我問個職員尼款係甜蝦？個職員就話呢個已經係甜蝦㗎啦😂三文魚同帶子一般般，其他好難食。
燒烤方面，全部肉都好難食，一咬落去就知唔新鮮，好多更加咬唔開，得雞翼算係正常。
出面自助可以攞嘅嘢食種類好少，醬料例如蔥花芫荽同生果我一入去已經俾人攞晒，仲要成晚係冇refill嘅🥱
甜品方面都係得好普通嘅啫喱布丁同雪糕，我地九點幾已經離場。
兩個人都成$500，但我覺得食物質素完全唔值呢個價。離開咗間鋪10分鐘左右朋友即刻衝咗去千色店廁所肚瀉🙂唔會再幫襯！
Post