Video
Read full review
2024-03-31
1889 views
成日都聽人講介紹呢間buffet好好食，一直都想去試，今次見到OpenRice有個預購優惠， 1500幾蚊四位，買二送二，好抵喎每人都唔使$400 ，於是就嚟試吓啦，喺OpenRice訂座，只要你想揀嘅時間訂到位就即係有位，唔知點解唔係好多人買，好容易就book到想去嗰一晚，喺OpenRice俾咗錢之後，到時直接去就得，食1830-2130。佢之前酒店已經會喺WhatsApp度send個訊息俾你提醒你去，仲問你使唔使加錢買定生日甜品， $68有拿破崙蛋糕$88有個蛋糕上面有壽桃造型，都幾靚，不過我就冇加，不過我都有喺酒店個Remark度寫咗喺生日慶祝，到最後酒店都有送咗一個小小嘅生日甜品俾我哋，呢個就估唔到嘅。講講有咩食先啦，海鮮有美國生蠔、青口、翡翠螺、蟹腳、小龍蝦，唔使攞碟，職員會直接放喺個冰桶度俾你，你話要咩，佢就會放落個冰桶度俾你，生蠔都係每人只限取兩隻，都係會放落個冰桶度俾你。美國生蠔，講真都幾腥，就算我之後已經擠咗好多檸檬汁，都係好腥，同埋明明見到個職員已經洗得好乾淨，前前後後洗晒，但係都仲有好多蠔殼碎喺入面。唔知係佢本身雪得耐，定係用個冰桶裝俾我哋嘅問題，啲海鮮普遍都雪到
佢之前酒店已經會喺WhatsApp度send個訊息俾你提醒你去，仲問你使唔使加錢買定生日甜品， $68有拿破崙蛋糕$88有個蛋糕上面有壽桃造型，都幾靚，不過我就冇加，不過我都有喺酒店個Remark度寫咗喺生日慶祝，到最後酒店都有送咗一個小小嘅生日甜品俾我哋，呢個就估唔到嘅。
講講有咩食先啦，海鮮有美國生蠔、青口、翡翠螺、蟹腳、小龍蝦，唔使攞碟，職員會直接放喺個冰桶度俾你，你話要咩，佢就會放落個冰桶度俾你，生蠔都係每人只限取兩隻，都係會放落個冰桶度俾你。
美國生蠔，講真都幾腥，就算我之後已經擠咗好多檸檬汁，都係好腥，同埋明明見到個職員已經洗得好乾淨，前前後後洗晒，但係都仲有好多蠔殼碎喺入面。
22 views
0 likes
0 comments
唔知係佢本身雪得耐，定係用個冰桶裝俾我哋嘅問題，啲海鮮普遍都雪到冇晒味，青口冇乜味，大頭蝦膏甚至腥，蝦就反而OK，而蟹腳算係最好食，唔係剩係得鹹味，有少少蟹腳嘅鮮甜，蟹腳算係可以encore，但係我哋都只係食咗呢幾隻。
23 views
1 likes
0 comments
刺身有三文魚、油甘魚、吞拿魚、赤蝦、八爪魚，講真冇帶子真係有啲遜色，刺身都係全部放喺冰桶度俾你。
刺身方面，普遍都係冇乜味，雖然見到啲刺身切得好厚，而且三文魚算係幾肥，望落唔錯，三文魚算係比較好，其他全部都係雪到冇晒味，都係唔知係咪因為個冰桶影響啦，全部都冇乜味，而赤蝦就還好啦，都預咗係有少少腥。
除咗刺身仲有啲迷你壽司，仲有迷你嘅魚生飯，都幾多選擇，另外仲有好多日式硽漬物。
17 views
0 likes
0 comments
個自助餐主題叫得龍蝦生蠔蟹腳自助餐，龍蝦當然係另一主角啦， 6:30開始食，龍蝦係要七點先開始供應，仲要原來係7:00 7:30 8:00 8:30 ，呢四輪會出一次， 7:00攞晒，要等7:30佢再蒸好先至再有，每一輪開始之前5分鐘，就已經會有人排隊，每次大概係出兩三籠左右啦，總有人係攞唔到，而我自己就四輪都有食到。
佢有兩隻味，一隻蒜蓉粉絲蒸龍蝦，一隻芝士焗龍蝦，會輪流供應，所以全晚係食咗每樣兩隻，但係其實講真未必每個人都可以食到，而且可能每個人只可以食到一隻，都係要睇你有冇出去排定隊，感覺龍蝦供應有啲少，而蒜蓉粉絲係好食過芝士焗。
龍蝦好多膏好多米，幾大隻。
25 views
0 likes
0 comments
19 views
0 likes
0 comments
飲品方面都唔係自己斟，係有一個叫做水吧嘅counter，行過去話你想飲咩，佢就會沖俾你，有普通嘅檸茶檸水奶茶，亦都有一堆茶包俾你揀，例如茉莉茶、綠茶、洋甘菊嗰啲，亦都有楊枝甘露、西柚汁、橙汁，店員會即刻斟俾你，每人每次攞一杯。
楊枝甘露算係比較唔錯，就係白色起晒泡呢杯，幾creamy同埋幾香椰味。
16 views
0 likes
0 comments
刺身隔離就係一個日本爐端燒counter，有燒牛肉燒秋葵燒雞翼，另外有炸番薯炸蠔炸牛肉薯餅炸芋頭，另外有鰹魚湯烏冬自己舀，配料有鳴門卷，有昆布等等。
鰹魚湯唔係好濃鰹魚味，反而好勁芝麻油味，個人覺得一般，而個烏冬都好淋。
最好食係燒雞翼，好脆
15 views
0 likes
0 comments
東南亞counter，有燒豬頸肉、金邊粉、燒牛仔骨、燒烏頭魚，另一邊有紙包魚、牛腩、海鮮意大利飯、意大利雲吞，另外仲有素食區，有啲炒栗子、燒南瓜等等。
豬頸肉有少少鞋，牛仔骨同埋魚都幾好食，另外紙包魚都好食。
13 views
1 likes
0 comments
自助餐必備嘅即切牛扒counter，有即切嘅牛扒、燒春雞、脆炸豬腩卷，脆炸豬腩卷算係幾新鮮啊，平時都好似冇見過有，不過個皮有少少韌，豬腩卷偏肥。牛扒少少韌，春雞可能因為係食雞髀所以還好，另外仲有薯條可以自己夾，反而覺得薯條係最好食，另外側邊有好多調味料，可以自己揀，呢個調味料幾好，有喜馬拉雅海鹽、日本竹炭鹽、韓國海鹽，仲有好多其他醬去點啲肉，例如番茄他他、芥末醬。
16 views
0 likes
0 comments
甜品方面都幾多選擇，有即煎pancake、有雞蛋仔、有迷你小葡撻、蘋果雪耳糖水、好多小小杯仔嘅蛋糕，雪糕有大概10個味道，movenpick，有好多切餅蛋糕，仲有2045先會出現嘅心太軟。
9 views
0 likes
0 comments
食到八點幾，職員無啦啦每枱就會放低兩個火焰雪山，唔係每人一份，因為我哋四個人都只係得兩份，佢喺一個位度燒完，就攞過嚟，係冇睇住佢燒嘅，燒完之後有好多酒精喺個碟底，好苦，但係入面都還好，就係一舊朱古力雪糕，最下面有少少朱古力海綿蛋糕底，出面白色嗰啲有啲苦，但係如果連埋個雪糕一齊食就還好。
11 views
0 likes
0 comments
之後店員突然送上一個生日慶祝嘅迷你小朱古力蛋糕，呢個係估唔到嘅，原來會有得送，都唔錯幾好食。
12 views
0 likes
0 comments
總結覺得食物款式都算多，但係主打嘅海鮮同刺身都係一般，熟悉同甜品反而仲好食，另外龍蝦供應得太少，唔能夠每個人都食到，呢個就有少少差，務態度都唔錯，如果優惠每人$400左右食一食都OK，但係原價就好似有啲唔值。
Post
