Video
Read full review
2022-07-23
28 views
介紹返💁🏻♀️。。🇭🇰 港式餐廳 在 九龍灣 🇭🇰。公子茶座。得寶商場地下H號舖。招牌生煎肉餅。HKD68生炒牛肉飯。HKD58蒜蓉白菜仔。HKD62龍鳳檸檬雪碧。HKD22各式汽水。HKD16🤫 早兩日約咗個朋友仔食飯..為咗就佢晏放工就喺返佢公司附近食啦..而我哋今次嘅選擇係之前未試過嘅公子茶座🤫 題外話講哂..咁兩條友仔又係唔食得多嘅情況底下..我哋揀咗呢度最出名嘅生煎肉餅加一碟菜同埋一個炒飯..諗住啱啱好🤫 先嚟講下生煎肉餅先..每件肉餅Size細細最啱我呢啲櫻桃小嘴(😝) 一件分兩啖食..而且都有成八塊咁多..肉餅仔煎得非常香口但係keep得住入邊Juicy..送飯真係冇得頂..旁邊仲有啲沙律菜配日式酸汁夠晒開胃🤫 然後我哋就叫咗一個生炒牛肉飯..份量又係好大碟..而且飯粒粒粒金鑲銀..夠乾身又有鑊氣..最重要嘅係炒飯入邊有勁多肉粒..唔似得出邊啲茶餐廳淨係比兩粒肉你送一碟炒飯..食肉獸表示相當滿意🤫 最後嘅就係一碟蒜蓉白菜仔..呢度要感謝茶座哥哥仔..我哋隨口問一句有冇得清清地炒個菜呀..佢就幫我哋Order咗Menu無嘅蒜蓉炒白菜仔..份量又係勁多..朋友仔話四個人Sha
。
。
🇭🇰 港式餐廳 在 九龍灣 🇭🇰
。公子茶座
。得寶商場地下H號舖
。
招牌生煎肉餅
。HKD68
生炒牛肉飯
。HKD58
蒜蓉白菜仔
。HKD62
龍鳳檸檬雪碧
。HKD22
各式汽水
。HKD16
🤫 早兩日約咗個朋友仔食飯..為咗就佢晏放工就喺返佢公司附近食啦..而我哋今次嘅選擇係之前未試過嘅公子茶座
🤫 題外話講哂..咁兩條友仔又係唔食得多嘅情況底下..我哋揀咗呢度最出名嘅生煎肉餅加一碟菜同埋一個炒飯..諗住啱啱好
🤫 先嚟講下生煎肉餅先..每件肉餅Size細細最啱我呢啲櫻桃小嘴(😝) 一件分兩啖食..而且都有成八塊咁多..肉餅仔煎得非常香口但係keep得住入邊Juicy..送飯真係冇得頂..旁邊仲有啲沙律菜配日式酸汁夠晒開胃
🤫 然後我哋就叫咗一個生炒牛肉飯..份量又係好大碟..而且飯粒粒粒金鑲銀..夠乾身又有鑊氣..最重要嘅係炒飯入邊有勁多肉粒..唔似得出邊啲茶餐廳淨係比兩粒肉你送一碟炒飯..食肉獸表示相當滿意
🤫 最後嘅就係一碟蒜蓉白菜仔..呢度要感謝茶座哥哥仔..我哋隨口問一句有冇得清清地炒個菜呀..佢就幫我哋Order咗Menu無嘅蒜蓉炒白菜仔..份量又係勁多..朋友仔話四個人Share都夠食..而且菜靚蒜蓉味又夠香..最緊要熱辣辣上枱
🤫 以上種種..最後嘅結果係..我哋只係叫咗三碟嘢都食唔晒..真係抵食夾大件..原本諗住試埋佢哋睇相好靚仔嘅西多士..好可惜原來夜晚黑水Bar收咗工冇得食..搞到而家個心仲囉囉攣..成晚都諗住生炸雞髀西多士仲有Cold Brew..真係要搵日去試吓佢哋啲下午茶先得
🤫 最後嘅最後..最想講嘅係..公子茶座並唔係嗰種花費好多..儲好多古董古物去打造一個打卡環境嘅冰室..而係將傳統茶室嘅環境翻身..以懷舊嘅純粹俾我哋邊食邊feel吓老香港嘅特色..下次等我帶爸爸媽媽過嚟食返餐..肯定又會有好多舊時嘅故仔聽吓
。。
翻兜指數：🙆🏻♀️🙆🏻♀️🙆🏻♀️（5個🙆🏻♀️為翻兜爆燈）
。。
Post