Video
Read full review
2022-07-29
8 views
介紹返💁🏻♀️。。🇹🇭 泰國菜 在尖沙咀 🇹🇭。泰Grill。恆隆銀行大廈尖沙咀美食坊地下3號舖。冬陵功Tom Yum Kung。HKD98串燒豬牛雞 ComboBBQ Skewer Combo 。HKD48 @ 3 pcs。HKD88 @ 6 pcs燒豬頸肉Grilled Pork Neck。HKD68飛天通菜Stir Fried Morning Glory。HKD58藍蝶花冰糖雪梨蘆薈特飲Butterfly Pea Flower Rock Sugar Sydney Aloe Special Drink。HKD38蜂蜜菊花烏龍茶Honey Chrysanthemum Oolong Tea。HKD38🤫 早兩晚放工約咗朋友出尖沙咀度買啲嘢..然後諗住求其搵啖食..經過門面好有南洋情懷嘅Granville Food Square一於入去試吓囉🤫 老實講..美食坊呢三個字都好似有好幾年冇聽到過啦..估唔到喺尖沙咀加連威老道竟然有間裝修咁靚仔嘅美食坊..既然佢咁南洋情懷等我就試吓啲南洋嘢啦🤫 我所謂嘅南洋嘢..其實只係泰國嘢..haha..廢話又講得太多添..即刻講吓啲嘢食先..第一樣介紹嘅
。
。
🇹🇭 泰國菜 在尖沙咀 🇹🇭
。泰Grill
。恆隆銀行大廈尖沙咀美食坊地下3號舖
。
冬陵功
Tom Yum Kung
。HKD98
串燒豬牛雞 Combo
BBQ Skewer Combo
。HKD48 @ 3 pcs
。HKD88 @ 6 pcs
燒豬頸肉
Grilled Pork Neck
。HKD68
飛天通菜
Stir Fried Morning Glory
。HKD58
藍蝶花冰糖雪梨蘆薈特飲
Butterfly Pea Flower Rock Sugar Sydney Aloe Special Drink
。HKD38
蜂蜜菊花烏龍茶
Honey Chrysanthemum Oolong Tea
。HKD38
🤫 早兩晚放工約咗朋友出尖沙咀度買啲嘢..然後諗住求其搵啖食..經過門面好有南洋情懷嘅Granville Food Square一於入去試吓囉
🤫 老實講..美食坊呢三個字都好似有好幾年冇聽到過啦..估唔到喺尖沙咀加連威老道竟然有間裝修咁靚仔嘅美食坊..既然佢咁南洋情懷等我就試吓啲南洋嘢啦
🤫 我所謂嘅南洋嘢..其實只係泰國嘢..haha..廢話又講得太多添..即刻講吓啲嘢食先..第一樣介紹嘅就係個人好喜歡飲嘅冬陰功..話說我係一個食少少辣都會敏感到變成麥當勞嘴嘅人..但係我就對冬陰功完全冇抵抗力..就算要變麥當勞嘴都會忍唔住口飲兩啖..而泰Grill嘅冬陰功就勁囉..呢度嘅幾種菜式味道都偏濃..冬陰功就更加夠酸夠辣啦..雖然味道唔錯..但係嗰種辣勁我都只係可以頂到一碗..而我個朋友仔就飲到舔舔脷
🤫 餐廳名叫得做泰Grill..咁就梗係要試吓佢哋啲Grill啦..一於叫半打串燒再加豬頸肉..好開心呢度嘅串燒可以俾我哋每樣兩串..咁我哋豬牛雞都可以試晒啦..新鮮滾熱辣嘅串燒一放上枱就香噴噴..而且串串都好鬼厚肉㗎.. 豬牛雞裏面個人就最喜歡食雞串燒..雞肉外皮燒得夠香入邊有keep得住Juicy..相當唔錯..重點係個沙嗲醬..非常好味..花生粒粒夠晒多..呢個非常讚
🤫 然後燒豬頸肉份量夠大碟..肉質夠爽口..最啱就係同朋友一邊食豬頸肉一邊吹水..然後再飲兩啖嘢潤下喉..btw..嚟呢度食嘢真係有個好處..就係食完呢啲咁惹味又熱氣嘅嘢食之後都仲可以喺另外一個舖頭嗰邊叫返杯潤喉嘅飲品飲吓..真係相當方便
🤫 差啲講漏..雖然我係一個食肉獸..但係我都相當注重健康..點都要叫返條菜平衡一下嘅..所以飛天通菜梗係唔少得啦..睇張相就知道佢係靚菜..而且好鍾意佢將啲通菜剪到細細節細細節咁樣..你知啦我呢啲櫻桃小嘴點可能成棵菜咁掉入口食先得㗎(自己講完都忍唔住笑🤭)..味道方面..正宗泰國菜..單字一個辣..但係辣得好惹味
🤫 總括嚟講..成個Food Court我哋就主要係食咗間泰國嘢同埋飲咗佢哋Fountain嘅特飲..泰Grill嘢食方面相當惹味..鍾意食濃味嘅朋友就最啱啦..而且價錢都幾性價比啊..話就話係一個Food Court但係其實都係搵咗張枱然後睇Menu揀嘢食..仲有侍應姐姐Serve..絕對唔係嗰種需要自己走去排隊買嘢食嘅美食坊..都真係值得嚟試吓㗎
。。
翻兜指數：🙆🏻♀🙆🏻♀️ （5個🙆🏻♀️為翻兜爆燈）
。。
Post