Video
Read full review
2023-02-01
91 views
介紹返💁🏻♀️。。🇺🇸酒吧餐廳 在尖沙咀 🇺🇸。Oasis Bar & Grill。尖沙咀諾士佛臺1號 8樓。Capellini In Lobster Saucew/ Tiger Prawns & Salmon Roe龍蝦汁天使麵伴炭燒大虎蝦及三文魚籽。HKD258 + 10%Mariniere Fresh Mussels香蒜白酒新鮮法國藍青口伴法包。HKD198 + 10% Churros w/Chocolate & Vanilla Ice Cream西班牙油炸鬼配朱古力醬及 雲呢拿雪糕。HKD88 + 10% Peach Ice TeaWhite Peach Puree。Yuzu Juice。Japanese Apple Juice。Black Tea。HKD88 + 10% 🤫 打鐵趁熱..尋晚繼續開年飯..同我嘅餓嗎家姐之友食飯兼吹水..因為年廿九先食完Omakase費事食得咁密..所以今次走咗去試諾士佛臺一間好Wild嘅西餐廳..點解會咁樣形容間餐廳?🤭因為一出Lift就聽到雀仔叫..一入餐廳就係熱帶雨林嘅Deco..講緊嘅就係哩一間樓上餐廳Oasis Bar & Grill
。
。
🇺🇸酒吧餐廳 在尖沙咀 🇺🇸
。Oasis Bar & Grill
。尖沙咀諾士佛臺1號 8樓
。
Capellini In Lobster Sauce
w/ Tiger Prawns & Salmon Roe
龍蝦汁天使麵伴炭燒大虎蝦及三文魚籽
。HKD258 + 10%
Mariniere Fresh Mussels
香蒜白酒新鮮法國藍青口伴法包
。HKD198 + 10%
Churros w/Chocolate & Vanilla Ice Cream
西班牙油炸鬼配朱古力醬及 雲呢拿雪糕
。HKD88 + 10%
Peach Ice Tea
White Peach Puree。Yuzu Juice。
Japanese Apple Juice。Black Tea
。HKD88 + 10%
🤫 打鐵趁熱..尋晚繼續開年飯..同我嘅餓嗎家姐之友食飯兼吹水..因為年廿九先食完Omakase費事食得咁密..所以今次走咗去試諾士佛臺一間好Wild嘅西餐廳..點解會咁樣形容間餐廳?🤭因為一出Lift就聽到雀仔叫..一入餐廳就係熱帶雨林嘅Deco..講緊嘅就係哩一間樓上餐廳Oasis Bar & Grill～唔知係咪我Book位Book得太遲..我哋並冇被安排去坐餐廳嘅打卡座位🤪..而係比較幽靜嘅高枱位..不過咁講..幽靜都有幽靜嘅好嘅
🤫 咁因為我同Tata Lunch都食得好飽..所以哩一餐就簡簡單單叫咗Appetiser..Pasta同Dessert各一..我就要咗杯Signature Mocktail試吓
🤫 除咗Dessert其他嘢都上得好快.. Appetiser..我照舊揀青口..今次呢個係蒜片白酒煮..青口中細Size..海水味濃..而且蒜片味好出..都幾惹味嘅
🤫 然後就介紹吓我欣賞嘅呢個Pasta..虎蝦三文魚籽天使麵..首先天使麵份量都OK多嘅..然後..與其話呢一個係龍蝦汁..其實佢係一個濃蝦汁..成個Sauce都好香濃..再加上面頭大量嘅三文魚籽..嗰種鮮味出晒嚟..然後三隻大虎蝦都多肉而且有蝦膏..煎得都幾香㗎..呢個推介嘅
🤫 以我平時嘅食量..呢兩樣嘢又點會夠我飽呢..奈何近排真係肥咗太多..決定以後都食七成飽好啦..一於加個甜品..做個Happy Ending算啦😂..Tata話佢好鍾意食Churros..我當然一口應承啦..咁餐廳都好識做..雖然係一次過落晒所有嘢食嘅Order..但係侍應哥哥都會預返晏啲時間先至拎個甜品出嚟嘅..Churros細細份..有五小節..味道唔會太甜..啱啱好..帶出微微嘅Cinnamon味道..然後可以自由加多少朱古力醬..配一個細細球嘅雲呢拿雪糕..呢個做法好適合我哋食..因為Tata鍾意食朱古力..我就唔食朱古力但係食雪糕..咁就一人一個配料唔使爭..少食多滋味都係一件好事
🤫 仲有仲有..話晒呢度係一間酒吧餐廳..點都要試吓佢哋啲Cocktail或者Mocktail嘅..我就揀咗佢哋嘅Signature Mocktail嘅Peach Ice Tea..雖然個名就話係桃茶..但係當然唔係咁簡單啦..除咗有香甜嘅桃味之外..我仲飲到有微微嘅柚子澀味..同蘋果獨有嘅甜味..Mix埋一齊有幾OK喎
🤫 總括嚟講呢..Oasis地方都幾寬敞..大至十人枱細至二人枱都有..如果想坐嗰啲打卡嘅鳥籠櫈或者搖搖椅就記得打電話嚟Book嘅時候講明啦..然後嘢食嘅質素係中上嘅..平均嘅份量唔算太多..不過女仔嚟打卡食嘢應該都夠嘅..侍應哥哥們服務都OK..話頭醒尾嗰啲..有機會經過尖沙咀..唔知食乜好都可以考慮吓呢度
🤫 後記一下..啱啱上去Oasis嘅IG度望吓先發現原來呢度最受歡迎係下午茶喎..勁多美少女嚟呢度嘆High Tea打卡..等我Mark低喺我本美食小氣簿度先🤭
。。
翻兜指數：🙆🏻♀️🙆🏻♀️ （5個🙆🏻♀️為翻兜爆燈）
。。
Post
