Video
Read full review
2023-02-27
80 views
介紹返💁🏻♀️。。🇭🇰 湯麵 在九龍灣 🇭🇰。鳴門割烹料理 Naruto Japanese Restaurant 。國際交易中心2樓2號舖。週末90分鐘半自助餐Weekend 90mins Semi Buffet 。HKD268 + 10%主食 *八選一三色丼。海膽吞拿魚腩蓉丼。網燒安格斯牛扒。鍋燒牛柳粒目玉丼。蒲燒鳗魚丼。滑蛋沖繩吉列白豚。牛肉野菜鍋。黑豚肉稻庭鳥冬壽司三文魚壽司。劍魚腩壽司。帆立貝壽司。蟹棒壽司。赤蝦壽司。玉子壽司。加州卷。吞拿魚沙律軍艦。粟米沙律軍艦。蟹籽軍艦刺身三文魚。油甘魚。鲷魚。帆立貝。赤蝦。北寄貝。榮螺。八爪魚小食日式蒸蛋。麵豉湯。味付螺肉。芝麻八爪魚。迷你牛肉湯鳥冬。胡麻豆腐沙律。角切魚生沙律炸物吉列蠔。芝士年糕。芝麻雞翼。唐揚雞軟骨粒。吉列迷你紫薯餅燒物鹽燒鯖魚。雞翼。汁燒白豚腩。免治雞肉棒。厚燒牛舌。明太子玉子。燒三文魚頭飲品巨峰乳酸特飲。白桃乳酸特飲。無糖可樂。可樂。忌廉。雪碧。橙汁🤫 早排喺IG見到有其他Foodie朋友仔介紹過九龍灣呢邊商業大廈竟然有日式嘅Weekend Brunch😲價錢每位二百幾蚊..好似都幾值得試吓..然後又遇啱尋日飯腳仔
。
。
🇭🇰 湯麵 在九龍灣 🇭🇰
。鳴門割烹料理 Naruto Japanese Restaurant
。國際交易中心2樓2號舖
。
週末90分鐘半自助餐
Weekend 90mins Semi Buffet
。HKD268 + 10%
主食 *八選一
三色丼。海膽吞拿魚腩蓉丼。
網燒安格斯牛扒。鍋燒牛柳粒目玉丼。
蒲燒鳗魚丼。滑蛋沖繩吉列白豚。
牛肉野菜鍋。黑豚肉稻庭鳥冬
壽司
三文魚壽司。劍魚腩壽司。帆立貝壽司。
蟹棒壽司。赤蝦壽司。玉子壽司。加州卷。
吞拿魚沙律軍艦。粟米沙律軍艦。蟹籽軍艦
刺身
三文魚。油甘魚。鲷魚。帆立貝。赤蝦。
北寄貝。榮螺。八爪魚
小食
日式蒸蛋。麵豉湯。味付螺肉。芝麻八爪魚。
迷你牛肉湯鳥冬。胡麻豆腐沙律。角切魚生沙律
炸物
吉列蠔。芝士年糕。芝麻雞翼。唐揚雞軟骨粒。
吉列迷你紫薯餅
燒物
鹽燒鯖魚。雞翼。汁燒白豚腩。免治雞肉棒。
厚燒牛舌。明太子玉子。燒三文魚頭
飲品
巨峰乳酸特飲。白桃乳酸特飲。無糖可樂。
可樂。忌廉。雪碧。橙汁
🤫 早排喺IG見到有其他Foodie朋友仔介紹過九龍灣呢邊商業大廈竟然有日式嘅Weekend Brunch😲價錢每位二百幾蚊..好似都幾值得試吓..然後又遇啱尋日飯腳仔冇比賽又唔駛練習..一於早少少出去同佢嘆番餐好嘢(正確啲嚟講係捉佢陪我嘆番餐好嘢至啱🤭)
🤫 一入到去鳴門第一個感覺係光猛闊落舒適..因為呢度樓底有兩層樓咁高..空間感充足..又有陽光可以曬到入嚟..成件事好溫暖..Haha..然後侍應姐姐就好有禮貌咁樣介紹返佢哋八選一嘅主食同埋各樣任點任食嘅選項..主食方面我就揀咗平時都係我嘅首選嘅海膽吞拿魚腩蓉丼..而飯腳仔就揀咗網燒安格斯..然後又用紙仔落咗幾樣魚生同埋熱食
🤫 除咗刺身之外啲嘢食都上得好快..見到我嗰碗海鮮丼就心心眼啦..海膽份量雖然唔係太多但係好鮮甜..至於吞拿魚腩蓉簡直係同啲飯一比一咁多..開心死我..完全滿足到我嘅食慾
🤫 網燒安格斯有得揀五七九成熟..飯腳仔唔食生嘢嘅..安格斯Order咗七成熟對佢嚟講啱啱好..牛味香濃口感細滑..而且仲有兩大塊..份量亦都好充足..食到飯腳仔舔舔脷
🤫 再嚟就講吓放題裏面好重要嘅一環～刺身先..刺身嘅種類有八種..話多唔多話少唔少啦..必定出現嘅三文魚油甘魚刺身鮮甜肥美..而且絕對唔慳住..件件都係厚切..鲷魚片都唔錯..屬於偏淡口嘅刺身..然後赤蝦都係中大Size..同帆立貝一樣爽口甜美..值得一提嘅就係週末半自助餐送嘅一人一隻磯煮鮑魚..呢個有驚喜喎..鮑魚爽口彈牙之餘..磯煮非常入味..飯腳仔不嬲都唔鍾意食鮑魚..我一個人隊晒兩隻..開心仔🤭 哎..我仲有食榮螺..都OK新鮮爽口嘅..但係同以上種種比較起上嚟就相對普通啦
🤫 然後就講吓小食啦..飯腳仔係呢部份嘅專家..因為佢好多好嘢都唔鍾意食..蝕本貨一名🤪 佢就Encore咗兩次芝麻八爪魚加三次味付螺肉..芝麻八爪魚仲有一隻係勁大㗎..然後呢度嘅麵豉湯屬於正常質素啦..仲有個蒸蛋都幾足料㗎..冬菇蟹柳蜆肉銀杏都有齊..味道非常鮮甜..搞到我連茶碗蒸都Encore咗一次
🤫 之後就一次過介紹燒物同埋炸物啦..其實全部嘢食口味都非常之唔錯..但係最最最緊要嘅就係..全部都係熱辣辣上枱㗎..唔似得出邊啲放題將啲熱嘢全部擺到凍晒先至攞出嚟俾你食..呢個位我同飯腳仔係最欣賞嘅..個人就比較鍾意食燒雞翼多過芝麻雞翼..燒雞翼一串有兩隻..雖然燒得比較乾身..但係雞皮燒到脆卜卜咁好惹味啊..相反芝麻雞翼就係中雞翼連翼尖..炸得比較熱氣啲咁囉..然後吉列蠔雖然Size唔算大..但係炸得香脆而且有香濃嘅蠔味..都值得一試..再嚟我就會推介明太子玉子..玉子都幾嫩滑.. 加埋上邊嘅明太子醬..好好味
🤫 飯腳仔就話汁燒白豚腩都好值得食..肥瘦均勻而且燒得幾香口..另外牛舌我哋唔小心嗌咗一塊..因為我哋兩個都唔食嘅..所以就放埋咗一邊..但係夾起上嚟都覺得幾軟熟..而且仲係厚切添..鍾意食牛舌嘅一定要試吓啦..仲有仲有..燒三文魚頭係限量供應㗎..我太遲發現啦..所以已經冇晒嚕..下次嚟食一定要即刻Order呢個先得
🤫 嘢飲方面..我就唔鍾意飲乳酸味產品嘅..所以我都只係飲咗可樂同雪碧..留意返呢度係會俾冰底嘅..然後飯腳仔就試咗一杯巨峰乳酸特飲..佢話巨峰提子味好香濃..但係乳酸味就唔係好突出..都幾好味嘅
🤫 好啦～嘢食嘢飲都大致上講晒啦..喺壽司呢個界別入邊..我哋淨係叫咗兩件蟹棒壽司🤭 因為我個人就覺得有刺身點解仲要食壽司呢..食多咗嚿飯就食少咗嚿肉㗎啦嘛..但係對於蝕本貨飯腳仔嚟講就好唔同啦😂 (純粹搞笑) 放心～壽司質素唔錯嘅
🤫 大家如果要嚟試呢度嘅週末日式Brunch記得要訂位先呀..侍應姐姐話每個Weekend都全場爆滿㗎
。。
翻兜指數：🙆🏻♀️🙆🏻♀️（5個🙆🏻♀️為翻兜爆燈）
。。
Post
