Video
Read full review
2023-03-17
546 views
介紹返💁🏻♀️。。🇭🇰 居酒屋 在旺角 🇭🇰。令和居酒屋 Reiwa Izakaya。洗衣街111-127號建煌華廈2期地舖。炙燒吞拿魚 Grilled Tuna with Salad。HKD88 @ 10%明太子三文魚他他 Mentaiko Salmon Tartare。HKD98 + 10%日本A5和牛 一人前石板焼。HKD188 + 10% @ 100g。HKD248 + 10% @ 150g。HKD298 + 10% @ 200g鹽燒雞皮串燒。HKD25 @ 每串自家釀製和歌山梅酒。HKD88 + 10%SUNTORY Draught Beer。HKD48 + 10% @ 300ml。HKD68 + 10% @ 500ml🤫 朋友仔Jen啱啱日本旅行返嚟約我出去俾手信我..順便食嘢Gal’s Talk吓..趁住尋晚Wednesday Chill一於去旺角嗰邊一間幾出名嘅居酒屋啤啤佢先～🤫 我哋七點零鐘去到令和已經八成爆滿..入場坐之前嘅嗰幾下鼓聲都真係幾有Feel..而且令和地方真係唔大..每張枱都非常之緊密.. 剎那間好似真係去咗日本居酒屋咁🤫 咁我哋冇諗過要食到好飽嘅呢一餐
。
。
🇭🇰 居酒屋 在旺角 🇭🇰
。令和居酒屋 Reiwa Izakaya
。洗衣街111-127號建煌華廈2期地舖
。
炙燒吞拿魚 Grilled Tuna with Salad
。HKD88 @ 10%
明太子三文魚他他 Mentaiko Salmon Tartare
。HKD98 + 10%
日本A5和牛 一人前石板焼
。HKD188 + 10% @ 100g
。HKD248 + 10% @ 150g
。HKD298 + 10% @ 200g
鹽燒雞皮串燒
。HKD25 @ 每串
自家釀製和歌山梅酒
。HKD88 + 10%
SUNTORY Draught Beer
。HKD48 + 10% @ 300ml
。HKD68 + 10% @ 500ml
🤫 朋友仔Jen啱啱日本旅行返嚟約我出去俾手信我..順便食嘢Gal’s Talk吓..趁住尋晚Wednesday Chill一於去旺角嗰邊一間幾出名嘅居酒屋啤啤佢先～
🤫 我哋七點零鐘去到令和已經八成爆滿..入場坐之前嘅嗰幾下鼓聲都真係幾有Feel..而且令和地方真係唔大..每張枱都非常之緊密.. 剎那間好似真係去咗日本居酒屋咁
🤫 咁我哋冇諗過要食到好飽嘅呢一餐..主要都係諗住叫啲小食嗌杯酒傾計Chill吓咁啦..所以我哋叫咗兩個魚生類嘅Appetisers加一人一串鹽燒雞皮..然後店員叔叔極力推介我哋試吓佢哋Upgrade咗去A5嘅石燒和牛..好啦～就叫一份試吓啦..最後梗係唔少得我最愛嘅黑啤..而阿Jen就揀咗令和居酒屋自家釀製嘅和歌山梅酒試吓
🤫 好..逐樣嘢食介紹俾大家..先嚟講吓個炙燒吞拿魚..炙燒吞拿魚燒得好靚..外邊炙過嘅部位粉嫩粉嫩..包住中間深粉紅色嘅中拖羅口感極佳..然後你會見到師傅係喺中拖羅嘅外層加上黑胡椒去炙燒..令到本身鮮味嘅魚肉多咗一陣胡椒嘅香辣味..成個層次更加分明..點埋佢哋調配過嘅醬汁就更加好味啦
🤫 然後第二樣介紹嘅就係明太子三文魚他他..呢個Appetiser上枱好特別..佢係一盅Tartare再加一疊梳打餅..然後前邊有啲蔬菜沙律..侍應叔叔將佢放低嘅時候提醒我哋..一定要撈勻..然後用梳打餅墊住食..呢個Tartare鹹香味好重..入邊亦都有好多材料..食得出除咗三文魚刺身粒粒同三文魚籽之外..仲有青瓜紫洋蔥同黑胡椒..以黑胡椒嘅味道最出..所以用梳打餅一齊食嘅話味道就會恰到好處..而且Tartare份量之多..我哋最後要叫侍應姐姐加多兩塊梳打餅先可以食得晒
🤫 最後介紹重頭戲..A5和牛～200g原來份量都幾多個喎..都有成八件厚切..未熟之前都睇到佢嘅油脂分佈非常之均勻..侍應叔叔仲會問我哋要幾成熟之後幫我哋煎埋..和牛嘅油脂霹靂啪喇咁樣..睇住都流晒口水..五成熟嘅和牛加些少岩鹽吊一吊味..嗰種入口即溶嘅鬆軟..爆肉汁..難以忘懷..不過由於油脂真係好勁..所以一人四塊其實都真係好飽..不過呢個絕對推薦比大家嚟試吓
🤫 係時候講吓飲品啦～嚟得居酒屋梗係飲酒㗎啦..唔通飲汽水咩🤭我就乜都唔使諗..直接叫杯Draught嘅黑啤..Suntory真係冇乜好講..日本名牌😂要講只係想講..乜佢哋隻杯有咁大嘅咩..500ml隻杯大過我個頭..先至係七十蚊有找
🤫 而Jen嘅自家釀製梅酒都幾值得試..老實講我就唔鍾意飲梅酒嘅..因為我總係覺得嗰種Alcohol味好濃..咁阿Jen俾我試咗一啖呢一度嘅梅酒..細細杯On Rock嘅梅酒甜酸度OK..唔會太辣太嗆喉..算係好易入口..送居酒屋小食就最啱㗎喇
🤫 總括嚟講呢..我就覺得令和居酒屋係屬於一間中價嘅居酒屋..乾淨企理而且都舒服..侍應叔叔係好有個性..會推介大家今日有咩好食..然後大部份嘢食味道唔錯..地方佈置亦都好有日本特色
🤫 黃色經濟圈
。。
翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
Post
