Video
Read full review
2023-03-22
25 views
介紹返💁🏻♀️。。🇭🇰 鑊仔麻辣雞 在 尖沙咀 🇭🇰。喜聚燒 Happy Circle Q。寶勒巷10號10 Prat 8樓。喜聚鑊仔麻辣雞 Spicy & Numbing Chicken Iron Pot。HKD388 @ 全隻。HKD198 @ 半隻蒜蓉燒貴妃蚌 Stir-fried Garlic Mussels。HKD68 @ each燒芝士響鈴 Cheese Beancurd Skins Roll。HKD24 @ 兩件海鹽燒雞皮 Grilled Crispy Chicken Skin。HKD38 @ 兩串燒特厚黑啤牛仔骨 Grilled Beef Short Ribs with Stout。HKD69 @ 兩件燒豬頸肉 Grilled Pork Neck。HKD28 @ 一串鹽燒穀飼三層肉 Grilled-Salt Grain-fed Three- layer Meat。HKD39 @ 一串蒜蓉燒茄子 Garlic Grilled Eggplants。HKD29 茶裏王 台式烏龍茶。HKD22🤫 尋晚同W豬喺The ONE睇完戲..諗住Random搵間嘢食完先返屋企..Ope
。
。
🇭🇰 鑊仔麻辣雞 在 尖沙咀 🇭🇰
。喜聚燒 Happy Circle Q
。寶勒巷10號10 Prat 8樓
。
喜聚鑊仔麻辣雞 Spicy & Numbing Chicken Iron Pot
。HKD388 @ 全隻
。HKD198 @ 半隻
蒜蓉燒貴妃蚌 Stir-fried Garlic Mussels
。HKD68 @ each
燒芝士響鈴 Cheese Beancurd Skins Roll
。HKD24 @ 兩件
海鹽燒雞皮 Grilled Crispy Chicken Skin
。HKD38 @ 兩串
燒特厚黑啤牛仔骨 Grilled Beef Short Ribs with Stout
。HKD69 @ 兩件
燒豬頸肉 Grilled Pork Neck
。HKD28 @ 一串
鹽燒穀飼三層肉
Grilled-Salt Grain-fed Three- layer Meat
。HKD39 @ 一串
蒜蓉燒茄子 Garlic Grilled Eggplants
。HKD29
茶裏王 台式烏龍茶
。HKD22
🤫 尋晚同W豬喺The ONE睇完戲..諗住Random搵間嘢食完先返屋企..Openrice度見附近有間樓上舖有W豬好有興趣嘅麻辣菜式..一於上去試吓囉～咁因為睇戲之前都食咗些少嘢..所以我哋兩個都唔係話好肚餓..除咗W豬專登要上嚟試嘅鑊仔麻辣雞之外..我哋再揀多四五樣串燒小食就搞掂哩一餐嘞
🤫 打頭陣梗係介紹喜聚燒嘅招牌鑊仔麻辣雞先啦..我哋兩條友仔Share咗半隻雞..麻辣雞熱辣辣上枱而且好欣賞鑊仔下邊仲有火㷫住..可以一邊食一邊保持住隻雞嘅熱度..擔保啲麻辣醬汁唔會瞏到一嚿嚿咁..然後雞件大大嚿冇碎骨..真正做到啖啖肉..夠麻又夠辣..我食咗兩嚿就已經頂唔順變咗麥當勞嘴..而W豬就勁Enjoy..成鑊雞隊晒..食完仲話想下次試吓加辣..哎～係..差啲唔記得講..呢個鑊仔麻辣雞仲有一個特別之處就係可以加辣..食得辣嘅朋友一定要嚟試吓
🤫 然後排名不分先後..😂都係唔好..由我嘅推介開始介紹先..我不嬲都係海鮮怪獸..所以勁推介呢度嘅蒜蓉燒貴妃蚌..雖然六十八蚊一隻貴妃蚌唔算係平..不過呢個價錢絕對值..隻貴妃蚌好大隻..唔係講個殼喎..係隻蚌比起掌心仲要再大啲..而且燒得好Juicy..完全冇沙放心食用..重點係佢呢度嘅蒜蓉係真嘅切粒蒜蓉..唔係出邊好鍾意用嗰啲罐頭酸酸地味嘅蒜蓉..呢個係我今餐嘅No. ONE
🤫 下一個介紹嘅係牛仔骨..完全合乎商品說明條例..真係勁厚嘅兩片牛仔骨..油脂充足非常肥美而且仲啖啖肉好有咬口..食牛仔骨梗係要嘆黐住嚿骨嗰啲好似筋嘅位置啦
🤫 再嚟燒芝士響鈴算係一個好特別嘅小食..出邊好少見..基本上係喺響鈴外邊輕輕火炙過令到外皮更加香脆..然後入邊包住芝士..層次分明..唯一就係響鈴唔係厚身嗰種..所以食完好似食咗陣風咁..Haha..幾特別
🤫 海鹽燒雞皮同穀飼三層肉味道OK..雞皮燒得夠乾身非常脆口..三層肉其實係五花腩..相比起上面介紹嘅唔係話好特別
🤫 最後燒豬頸肉亦都值得一試..喜聚燒將豬頸肉切成厚切粒粒..爽口彈牙而且調味得宜..然後蒜蓉燒茄子份量雖然唔算多..但係都係嗰句啦..我鍾意佢哋用真嘅蒜頭剁成蒜蓉..茄子有滿滿嘅蒜蓉香味..係滿足嘅～
🤫 總括嚟講喜聚燒地方都算係幾大幾舒服..座位唔會話好逼夾..仲有啲高位圍住窗邊可以邊飲酒邊食串燒邊睇風景..唯一就係就燈光偏昏暗..太過Romantic影相有啲難度🤭另外..餐廳疑似老闆娘非常之親切有禮..會推介是日新鮮海鮮又會留意食客有咩需要..主動提供協助..Nice
。。
翻兜指數：🙆🏻♀️🙆🏻♀️ （5個🙆🏻♀️為翻兜爆燈)
。。
Post
