Video
Read full review
2023-05-27
973 views
介紹返💁🏻♀️。。🇭🇰 Burger 在筲箕灣 🇭🇰。味口福。天悦筲箕灣廣場地下低層1樓2號舖。超人氣套餐 Burger OR Hot Dog Set 各式漢堡或熬狗皇 配薯條或沙律All Kinds of Burger or Hot Dog WITH Fries or Salad跟熱飲 with Hot Drink @ HKD49跟凍飲 with Cold Drink @ HKD52跟紅豆冰 with Res Beans Fleecy @ HKD57自選醬汁 Choices of the Sauce水牛城蜂蜜醬 Homemade Honey Sauce。日式芥末醬 Wasabi Mayo。墨西哥香辣醬 Homemade Mexico Sauce。惹味黑椒醬 Black Pepper Sauce追加配料芝士 Cheese。煙肉 Bacon。煎蛋 Fired Egg。菠蘿 Pineapple。蕃茄生菜 Tomato Lettuce。HKD6 @ Each脆薯餅。HKD9 @ Each魚柳 Fish Fillet Cutlet。豬扒 Pork Chop。 雞扒 Chicken Steak。
。
。
🇭🇰 Burger 在筲箕灣 🇭🇰
。味口福
。天悦筲箕灣廣場地下低層1樓2號舖
。
超人氣套餐 Burger OR Hot Dog Set
各式漢堡或熬狗皇 配薯條或沙律
All Kinds of Burger or Hot Dog WITH Fries or Salad
跟熱飲 with Hot Drink @ HKD49
跟凍飲 with Cold Drink @ HKD52
跟紅豆冰 with Res Beans Fleecy @ HKD57
自選醬汁 Choices of the Sauce
水牛城蜂蜜醬 Homemade Honey Sauce。
日式芥末醬 Wasabi Mayo。
墨西哥香辣醬 Homemade Mexico Sauce。
惹味黑椒醬 Black Pepper Sauce
追加配料
芝士 Cheese。煙肉 Bacon。煎蛋 Fired Egg。
菠蘿 Pineapple。蕃茄生菜 Tomato Lettuce
。HKD6 @ Each
脆薯餅
。HKD9 @ Each
魚柳 Fish Fillet Cutlet。豬扒 Pork Chop。
雞扒 Chicken Steak
。HKD11 @ Each
牛肉漢堡扒 Beef
。HKD13 @ Each
招牌炸雞脾 Signature Fried Chicken Leg
。HKD29
🤫 自從早排試過Five Guys之後..突然間好有癮想去食Burger..於是喺OpenRice搵吓港島東公司附近有咩睇落好味嘅Burger試吓..然後三位入圍佳麗分別係Cafe Whale..味口福同埋No Boundary..但礙於我嘅選擇困難症..選擇嘅重任就交咗俾W豬～而最後勝出者就係位於筲箕灣中學校區附近嘅一間細細間好Local 叫做味口福嘅餐廳🥇
🤫 我哋呢日準時十二搭叮叮過筲箕灣..落車嘅時候已經見到大量嘅中學生從四方八面咁湧出嚟..我哋唯有加緊腳步快啲行到去味口福..事關睇相見到餐廳Size應該係幾細間..去到一睇..果然～幾乎全間餐廳已經坐滿中學生..只係剩返門口旁邊嘅高枱位..我哋嗱嗱聲放低行裝霸主個靚位..再出去收銀機嗰邊落Order
🤫 咁我哋今次嚟嘅目的非常之明確..我哋只係需要各自揀返自己想食嘅漢堡包餡料同埋飲品已經搞掂..我就揀咗Honey Sauce牛肉漢堡配薯條..外加芝士蕃茄生菜煙肉炸魚柳做Toppings🤭然後W豬就要咗個Mexico Sauce 牛肉漢堡配薯條..另加芝士菠蘿煙肉..我飲雪碧..W豬就飲紅豆冰～
🤫 Burger製作需時..我同W 豬傾咗陣計之後發現原來我隔離嗰塊玻璃係可以見到Burgers製作嘅過程㗎..望到都有啲想流口水..再後來我哋嘅Lunch終於都上枱～
🤫 即係呢～成個Style真係好港式Burger..新鮮滾熱辣上枱已經好加分..首先要講吓個Burger嘅麵包..上邊塊包超級大塊亦都相當鬆軟..而下邊塊包更加係超級驚喜..因為佢係勁鬆脆㗎囉～真係食到有索索聲㗎..仲好重牛油味添㗎..然後牛肉漢堡扒好Juicy..一路咬佢就一路流汁..而且牛味都幾香..最緊要係我哋邊食邊可以睇到兼且聽到廚師喺廚房入邊用力拍打啲牛肉漢堡扒ss先至拎去煎..係真真正正嘅手打漢堡扒喎😲
🤫 再嚟就介紹吓各樣嘅Toppings啦..第一樣要講..亦都係好Surprise嘅..就係嗰一塊炸魚柳啦～炸皮薄然後魚柳又係好大塊..而炸皮入邊嘅魚肉係非常之水嫩(我決定下次嚟都一定要加炸魚柳😎 )至於煙肉方面..六蚊有兩個半條嘅煙肉..雖然唔係American Style嘅嗰種炸到脆晒嘅煙肉..但係味道都唔錯
🤫 W豬嘅嗰塊菠蘿就係正常罐頭嗰啲厚切菠蘿啦～冇乜特別..而我嘅蕃茄生菜..蕃茄相對嚟講比較薄片..但係生菜份量都算多嘅..都係新鮮爽口嘅..最後芝士嚟講算係偏淡口..可能因為佢哋啲Homemade Sauce味道夠香濃所以遮蓋咗芝士嘅香味..我差啲就唔記得咗自己係加咗芝士落去個Burger度🤪
🤫 薯條部份都係有驚喜㗎喎..以為係普通粗薯條..但係食落口發現竟然勁香脆..明知勁熱氣都停唔到口..然後正正因為薯條炸得咁香口..W豬忍唔住後加咗隻生炸雞髀🤭
🤫 因為即場製作嘅關係..雞髀大概十分鐘之後上枱..新鮮炸起嘅雞髀真係冇得輸..皮脆肉嫩..流晒油咁款
🤫 老實..個Burger咁厚身而且又勁Juicy流晒油咁..食落真係有啲捩棄..所以我都唔記得咗問吓W豬杯紅豆冰係咩情況🤪 但係總括而言～講咗第三次都要再講..哩度好港式好中學時代會成日去幫襯嘅一間餐廳..除咗Burger..佢哋仲有好多種選擇..感覺樣樣嘢都可以Mix and Match..漢堡扒焗飯啦..炸魚柳蛋包飯啦..係佢材料範圍你諗得出佢做得到嗰種..然後最重要係真心非常之性價比..怪唔得之咁多學生哥衝到嚟開飯啦..下次Team Lunch一定要早多兩個字出門口過嚟同啲學生哥爭位坐先得🤪
。。
翻兜指數：🙆🏻♀🙆🏻♀️️🙆🏻♀️🙆🏻♀️ （5個🙆🏻♀️為翻兜爆燈）
。。
Post
