Video
Read full review
2023-06-15
51 views
介紹返💁🏻♀️。。🇮🇹 日意Fusion菜 在灣仔 🇯🇵 。Trattoria Kagawa by Mihara。船街18號地下。Free Flow Mussels & Fries (Served on Sun to Wed ONLY)。HKD388 + 10% J. Moreau Chardonnay France 2018/19。HKD298 + 10% @ BottleSoufflé Pancake 。HKD138 + 10%Still Water。HKD68 + 10%🤫 真係好耐冇試過有一間餐廳令到我咁想要即刻..係即刻❗️介紹俾大家～特別鳴謝餓嗎家姐之友Tata再次帶我去威威🤩講緊嘅就係呢一間位於灣仔船街嘅Trattoria Kagawa🤫 我必須要講..由我入餐廳嗰一刻開始我已經逐漸進入餐廳嘅嗰種Chill and Friendly嘅氛圍..先唔講其他..呢度啲Staffss..上至大廚下至Waitress個個都勁Nice勁好客..唔講嘅話差啲以為自己去咗朋友屋企食飯咁～🤫 我哋兩個人仔七點左右去到餐廳..被安排坐喺落地玻璃窗旁邊嘅二人枱..坐低之後好快就決定要食佢哋淨係星
。
。
🇮🇹 日意Fusion菜 在灣仔 🇯🇵
。Trattoria Kagawa by Mihara
。船街18號地下
。
Free Flow Mussels & Fries
(Served on Sun to Wed ONLY)
。HKD388 + 10%
J. Moreau Chardonnay France 2018/19
。HKD298 + 10% @ Bottle
Soufflé Pancake
。HKD138 + 10%
Still Water
。HKD68 + 10%
🤫 真係好耐冇試過有一間餐廳令到我咁想要即刻..係即刻❗️介紹俾大家～特別鳴謝餓嗎家姐之友Tata再次帶我去威威🤩講緊嘅就係呢一間位於灣仔船街嘅Trattoria Kagawa
🤫 我必須要講..由我入餐廳嗰一刻開始我已經逐漸進入餐廳嘅嗰種Chill and Friendly嘅氛圍..先唔講其他..呢度啲Staffss..上至大廚下至Waitress個個都勁Nice勁好客..唔講嘅話差啲以為自己去咗朋友屋企食飯咁～
🤫 我哋兩個人仔七點左右去到餐廳..被安排坐喺落地玻璃窗旁邊嘅二人枱..坐低之後好快就決定要食佢哋淨係星期日至三先至有嘅Mussels加薯條Free Flow..然後有青口又點可以唔叫返支白酒嚟襯托一下呢😌
🤫 Mussels Free Flow有三隻味..分別係Cream Sauce..Tomato and Little Spicy同埋白酒煮..侍應姐姐一開口就自動波話將三隻味嘅青口連埋薯條全部Order一Round先..再開埋支白酒俾我哋邊傾邊飲邊等食
🤫 青口嘅三隻味裏邊..我最鍾意就係Cream Sauce..好神奇嘅係個Sauce唔算係好杰身但係就超級Creamy..青口佢哋選用咗類似藍青口嗰種中細Size嘅青口..一啖一粒再𢳂一羹Sauce入口😳好肥好滿足呀🤪
🤫 然後Tomato and Spicy Sauce就最啱Tata㗎喇～佢話新鮮蕃茄嘅微酸再加上輕輕嘅辣..惹味得嚟又夠晒醒胃..而佢呢個好酒之徒梗係一啖青口一啖酒啦..離遠睇仲以為係邊戶人家嘅貴婦🤭佢最後食咗三個Pot呢一隻味啊😆
🤫 而第三個味道就係白酒煮青口..相對嚟講呢個係稍為淡口啲嘅..清清地嘅白酒味突顯咗青口本身有嘅海鮮味..話就話白酒煮青口唔係我哋嘅Favourite..但係其實我哋都Encore咗一次
🤫 仲有一定唔可以漏咗介紹嘅炸薯條..喂～真係唔係講笑..佢呢度啲薯條堅好食喎😲究竟似邊度嘅薯條呢..一時之間諗唔起係邊間..不過一定唔係普通嘅粗薯條幼薯條或者波浪薯條..(有冇人睇相可以答得到我呢🤣)總之又係嗰啲新鮮滾熱辣拎出嚟勁脆卜卜勁好口感嘅薯條啦..我哋食咗三碗啊黐線..喉嚨就嚟要爆炸啦～
🤫 然後呢..咁我哋慢慢嘆白酒慢慢食青口..快活不知時日過..都已經坐到九點幾..然後鐵板燒嗰度嘅Chef突然間話要表演吓喎😆叫全部人企出嚟準備相機睇表演同拍片..原來佢係想表演玩火🔥Jar咗兩嘢..勁大火燒到上天花板..然後全場食客基本上都有飲兩杯嘅..個個都勁Hyper..再之後個Chef仲請咗我哋全部人飲一杯仔佢哋特調嘅柚子Cocktail..除咗柚子味入邊仲有另外一種好香甜嘅味道..但係我唔知嗰隻係咩味🤪總之就係好高酒精嘅好好味
🤫 咁其實到呢一刻已經食到咁上下..然後另外一個侍應哥哥Michele就推介我哋試吓食佢哋呢度勁出名然後枱枱都會叫咁滯嘅Soufflé Pancake..落咗Order即刻整大概要廿分鐘左右..個Soufflé外表唔係好似出邊嗰啲脹卜卜勁討好嘅樣..但係食落發現異常好味..佢有Soufflé嘅口感但係又唔會稀流流咁..係出邊未食過嘅感覺..怪唔得話枱枱都叫啦🤤
🤫 最後..對唔住我要誇張的說：Trattoria Kagawa啲嘢食好味..價錢又唔係特別貴..環境舒服..最重要係餐廳職員同食客打成一片..(放眼望去好似枱枱食客都好似係熟客仔咁) 教我如何不愛它..我決定遲啲有乜嘢Friends Gathering都一定會去嗰度玩返一晚🫶🏻
🤫 By The Way..個5**翻兜指數係Tata同我一致決定嘅🤝🏻
。。
翻兜指數：🙆🏻♀️🙆🏻♀️🙆🏻♀️🙆🏻♀️🙆🏻♀️（5個🙆🏻♀️為翻兜爆燈）
。。
Post
