Video
Read full review
2024-07-11
1547 views
介紹返💁🏻♀️。。🇭🇰 Cozy Cafe 在北角 🇭🇰。Dozy。錦屏街38號地下A1號舖。Brunch Set with Coffee or Tea or Chill + HKD28DOZY BrunchFrankfurter Sausage | Scrambled Eggs | Smoked Salmon | Salad | ToastPortobello | Tomatoes | Yuzu Cream Cheese Dressing。HKD128Spaghetti with Onsen Egg & Crabmeat in Mentaiko Sauce。HKD128Add OnTofu Cheesecake。HKD38🤫 喂呀～又俾我喺北角度搵到間好嘢啦😏話說尋日返Office開工..諗住同同事多多離開Comfort Zone..Lunch Time行遠啲搵嘢食..竟然俾我哋撞彩撞到位於北角冇乜人會行入去嘅錦屏街街尾嘅呢一間Dozy🤫 Dozy整體環境俾我嘅感覺係相當之有格調地Cozy..地方環境闊落..枱與枱之間都有唔同嘅中大型室內盆栽阻隔以增加空間感..再加上本身工業水泥風嘅
。
。
🇭🇰 Cozy Cafe 在北角 🇭🇰
。Dozy
。錦屏街38號地下A1號舖
。
Brunch Set
with Coffee or Tea or Chill + HKD28
DOZY Brunch
Frankfurter Sausage | Scrambled Eggs | Smoked Salmon | Salad | Toast
Portobello | Tomatoes | Yuzu Cream Cheese Dressing
。HKD128
Spaghetti with Onsen Egg & Crabmeat in Mentaiko Sauce
。HKD128
Add On
Tofu Cheesecake
。HKD38
🤫 喂呀～又俾我喺北角度搵到間好嘢啦😏話說尋日返Office開工..諗住同同事多多離開Comfort Zone..Lunch Time行遠啲搵嘢食..竟然俾我哋撞彩撞到位於北角冇乜人會行入去嘅錦屏街街尾嘅呢一間Dozy
🤫 Dozy整體環境俾我嘅感覺係相當之有格調地Cozy..地方環境闊落..枱與枱之間都有唔同嘅中大型室內盆栽阻隔以增加空間感..再加上本身工業水泥風嘅裝潢..各式型格皮凳配以高低有序嘅小圓木枱..整體打卡一流
🤫 我哋兩條友仔分別揀咗一個Big Brekkie同一個溫泉蛋蟹肉蟹籽Pasta..跟餐一人一杯嘢飲之後再On Top加咗卅八蚊嘅豆腐CheeseCake Share食
🤫 我嘅Dozy Brunch有齊Big Brekkie必備嘅腸腸蛋蛋😆炒蛋滑溜而且同煙三文魚一樣份量都幾多..腸仔係用上法蘭克福腸..煎得香而且唔會太油膩..Portobello同蕃茄同樣可以做得到外邊煎得夠乾身..內裏Keep得住非常之Juicy..呢個位係幾欣賞嘅..Mixed Green就配返常見嘅醋作為調味..而最有特色嘅竟然係佢哋用嚟配襯Toasts嘅嗰個柚子Cream Cheese..個Cream Cheese好Rich好Creamy但正正因為帶有柚子嘅酸甜味所以成件事一啲都唔會覺得腬..係Surprisingly嘅好味🤩
🤫 而多多嘅Pasta都好鬼死吸引..搞到我忍唔住偷食咗兩啖..首先Pasta係用咗明太子醬調味..微辣而且Creamy嘅醬汁相當之惹味..係會越食越想食嘅..再加上大量嘅蟹籽蟹肉同埋一隻煮得剛剛好嘅溫泉蛋..係食肉獸都為之滿意嘅..所以食咗唔夠兩啖嘅時候..多多就已經講定話要下次過嚟翻兜🤭
🤫 呢間Cafe最值得翻兜嘅位係佢個Bunch Set係真心性價比..最貴我哋呢個Set賣緊百三蚊有找..有人送餐但係竟然冇加一..而最緊要係..點可能一間咁有質素嘅Cafe..個Set可以任你叫佢嘅咖啡或者茶..凍熱都唔使加錢😲閒閒哋一杯Latte正價都要四五十啦..你話係咪超性價比先..仲要多多揀個杯我平日成日都會叫嘅Hojicha Latte冲得好好味..拉花又好鬼靚..真係人都癲🫨
🤫 我揀嘅冷泡鴨屎香檸檬茶仲要係成壺咁上..真心覺得大癲..By The Way..我幾推薦大家叫呢隻檸檬茶..雖然佢係用咗而家大熱嘅鴨屎香檸檬..但係同出邊街嗰啲手搖廢水真係相當唔同..因為佢呢個檸檬茶冇落甜嘅..所以真真正正可以飲到呢一隻所謂嘅鴨屎香檸檬嘅嗰種清香..飲到最後仲輕輕咁樣有嗰隻檸檬嘅苦澀味..有興趣真係要試吓～
🤫 加錢食嘅嗰個豆腐Cheese Cake又係一絕..唔好睇佢Cheese Cake仔細細都有Details位..見唔見到件Cake上邊黃色嘅點綴啊🤩係黃糖嚟㗎～完全知道佢呢個芝士蛋糕係Inspire By豆腐花㗎😬 味道仲真係食得出有層次..放入口嗰下首先係香濃嘅豆漿味..㗳到咁上下芝士味就會出嚟..再加上幼滑嘅口感..同埋未溶得晒嘅黃糖..真心好出色啊🤤大家過嚟食嘅話真係必須要試👍🏻
🤫 其實我今次唔使Conclusion大家都應該知道我有幾欣賞Dozy啦🤭提醒吓大家..如果Weekday Lunch Time想嚟呢度試吓咁鬼抵嘅Brunch Set..記得預早些少到..首先座位有限..而且嘢食都真心係製作需時即叫即製..而重點係嚟得啲咁舒服嘅地方大家都會想Chill吓食得慢啲悠閒啲..咁囉～明㗎啦～
P.S.除咗埋邊有一枱無啦啦走個阿叔同阿姐埋嚟懶係覺得自己好搞笑咁樣안녕..안녕..係咁講咗五六次🙃 (就係我拍緊片嗰陣🫠)之外..呢度真係好Cozy..真係多得佢唔少😑
。。
翻兜指數：🙆🏻♀️🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
Post
