Video
Read full review
2025-02-19
0 views
介紹返💁🏻♀️。。🇭🇰 港式餐廳 在太子 🇭🇰。竹面譜。太子荔枝角道68號地舖。夢王和牛丼。HKD68夢王低卡蒟蒻冷麵。HKD48無上限追加瑤柱上湯浸蘿蔔 / 烤豬頸。HKD18炸雲吞 / 炸蜆蚧鯪魚球 / 炸花枝丸。HKD28@四粒各式冷熱飲品。HKD10🤫 講返呢一間竹面譜先～佢哋位置都幾就腳..地方雖然唔係話好大..只係得七八張二至四人枱..不過勝在座位算係幾闊落唔會逼逼夾👍🏻🤫 老實講..本來以為竹面譜純粹係一間乾淨企理平平無奇嘅港式餐廳..但又估唔到一點左右時間成間餐廳已經充斥住勁多附近嘅中學生入嚟搵食..再之後Keep住都有附近啲打工仔排隊等位😲🤫 打頭陣當然係今次嘅主角夢王和牛丼🐮呢個和牛丼真係不得了..首先價錢係黐線咁性價比‼️現今香港六十八蚊食到呢個質素嘅和牛真係世間罕見🤩唔使我多講～睇相都已經可以呈現到佢啲和牛片有幾咁靚仔😬和牛雖然係薄片但係份量算係非常之慷慨..有成六大片..而且質素之高..油脂分佈均勻..一放入口除咗食到淡淡嘅火炙香味之外..仲有入口即溶嘅感覺..真係唔推介都唔得嗰種👍🏻🤫 仲有仲有..大家千祈唔好忘記呢一個和牛丼仲有另外一個賣點..就係被譽為刺身
。
。
🇭🇰 港式餐廳 在太子 🇭🇰
。竹面譜
。太子荔枝角道68號地舖
。
夢王和牛丼
。HKD68
夢王低卡蒟蒻冷麵
。HKD48
無上限追加
瑤柱上湯浸蘿蔔 / 烤豬頸。HKD18
炸雲吞 / 炸蜆蚧鯪魚球 / 炸花枝丸。HKD28@四粒
各式冷熱飲品。HKD10
🤫 講返呢一間竹面譜先～佢哋位置都幾就腳..地方雖然唔係話好大..只係得七八張二至四人枱..不過勝在座位算係幾闊落唔會逼逼夾👍🏻
🤫 老實講..本來以為竹面譜純粹係一間乾淨企理平平無奇嘅港式餐廳..但又估唔到一點左右時間成間餐廳已經充斥住勁多附近嘅中學生入嚟搵食..再之後Keep住都有附近啲打工仔排隊等位😲
🤫 打頭陣當然係今次嘅主角夢王和牛丼🐮呢個和牛丼真係不得了..首先價錢係黐線咁性價比‼️現今香港六十八蚊食到呢個質素嘅和牛真係世間罕見🤩唔使我多講～睇相都已經可以呈現到佢啲和牛片有幾咁靚仔😬和牛雖然係薄片但係份量算係非常之慷慨..有成六大片..而且質素之高..油脂分佈均勻..一放入口除咗食到淡淡嘅火炙香味之外..仲有入口即溶嘅感覺..真係唔推介都唔得嗰種👍🏻
🤫 仲有仲有..大家千祈唔好忘記呢一個和牛丼仲有另外一個賣點..就係被譽為刺身級別雞蛋嘅夢王蛋～跟丼飯嘅呢一隻夢王蛋..你可以選擇要太陽蛋流心蛋..或者係溫泉蛋甚至係生食都一樣可以..絕對係視乎你個人嘅接受程度..我哋就當然係揀咗最受歡迎嘅溫泉蛋模式啦～呢隻蛋確實係名不虛傳..整個蛋味係特別香濃..可以話係同蘭王蛋睇齊🥚
🤫 我同阿Su揀嘅第二個主食就係四十八個大洋就可以食到一碗健康爽口又低卡嘅蒟蒻冷麵..唔好以為價錢咁平就只係得碗蒟蒻粉冇餸啊..跟呢份冷麵係配有粟米車厘茄青瓜絲吞拿魚同最重要嘅夢王流心蛋一隻..咁我哋為食啲..就加咗十八蚊要咗一份烤豬頸肉用嚟送粉..豬頸肉烤得都好香而且唔會話好油膩..最緊要係廿蚊都唔使就有成四大塊咁多..真係超抵食～
🤫 本身以為價錢咁抵份量應該唔會太多..點知係出乎意料地飽到上心口..我哋仲勁為食咁樣無上限追加咗一份瑤柱上湯浸蘿蔔..嗰份蘿蔔好甜而且冇根..個上湯清甜而且真係有粒粒瑤柱喺度浮吓浮吓..好鬼真材實料😲
🤫 以我咁為食嘅人又點會放過無上限追加咁着數嘅事呢😂除咗蘿蔔我哋仲嗌咗一系列嘅熱氣小食..有我最鍾意食嘅炸雲吞同埋炸花枝丸啦..仲有好快就已經搶購一空嘅蜆蚧鯪魚球😳
🤫 我哋叫嘅呢三種炸物全部廿零蚊有交易..炸雲吞主打當然係香脆蛋香味濃嘅雲吞皮..雲吞皮入邊包裹住爽口蝦肉同埋豬肉..呢度嘅炸雲吞絕對冇令我失望😌我一個人自己隊晒四粒🥟
🤫 然後炸花枝丸都係現成貨色啦..不過食得出係偏高質嘅花枝丸..因為就算炸脆咗都仲可以保持到花枝丸應有嘅嗰種彈牙同埋香味..而最重要亦都係必須要叫嘅一定係佢哋嘅蜆蚧鯪魚球..鯪魚球粒粒都有半個拳頭咁大..絕對唔係現成貨色..懷疑係自家製嘅..鯪魚肉非常之彈牙非常之香..外皮炸得香脆..重點係而家市面真係好少Provide埋我最鍾意點嘅蜆蚧汁..一啖鯪魚球連埋一粒蜆蚧汁嘅蜆仔一齊食..絕對係Perfect Match🤭
🤫 飲品方面..阿Su就冇叫啲乜嘢特別嘢..普通一杯凍檸茶..佢話個茶膽非常之唔錯..係好香濃嗰種..而我就試咗佢哋自家鮮制三種涼茶之中嘅金銀菊花薏米..嗰種菊花味淡淡咁樣飄出嚟..入口順喉..最體貼嘅就係佢哋仲有得揀冇糖同微糖嘅兩種選擇..眼見我哋叫完冇耐..再聽到人哋落單就話已經賣晒..大家有興趣過嚟試吓嘅真係要提早..涼茶同埋鯪魚球真係未過Lunch Time就已經Sold Out😅呢間非一般嘅粥麵舖我大推🤩
。。
翻兜指數：🙆🏻♀️🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
Post
