大雲吞麵食 (Moved) New Location

今日入元朗shopping，下雨後又陽光猛烈，行咗一輪又熱又口渴，想揾地方遏脚，就喺老婆餅家對面見倒呢間舖，其實唔喺第一次嚟，不過上次比我嘅感覺淨喺得個平字，但喺呢次食後就觀感改變咗，所以都推介吓。我地叫咗呢度嘅招牌菜：雲吞麵& 水餃麵，另加通菜和豆漿。豆漿好大杯都喺四蚊雞，好有豆味，飲後即時解渴。雲吞水餃依然大大粒，蝦都好多，新鮮爽口，Ｄ麵都喺爽口兼冇梘水味，青通菜略嫌粗硬，五蚊雞喺咁喇。滿眼望去，以長者居多，十四蚊一個套餐，有麵有飲品，經濟實為，現今所謂經濟復甦下，仍然賣呢個價錢，真喺值得鼓掌支持。呢度都喺僱用Ｄ中年亞姐，落單上菜快手快脚，冇黑面，所以我幾時都讚成Ｄ老板聘請成熟人氏總好過Ｄ黑面年青人。ps.今日喺pat pat新舊曆同一日嘅生日﹝因為喺潤月出生﹞，一生人祇得幾次，認真難得，剛巧寫食評，借此篇幅祝她生日快樂，身體健康，飲和食得。