糖老鴨 (Closed)

夜晚同fd跑完步口痕又去搵野食(完全係前功盡廢)，見到呢間入面幾多人食緊就入去試下。我地每人叫左唔同既款，一個心太軟、兩個奶凍加唔同配搭、仲有個係台式啲既芋圓涼粉。除左心太軟要即焗等得比較耐之外，其他都好快到。試完哂覺得芋圓一般，可能個配搭埋涼粉對我黎講有啲怪，奶凍好食有奶味，而且配既曲奇雪糕都好正。最驚喜既係心太軟，試過喺出面食得個死甜，呢度佢地話用左75%既朱古力，甜中帶苦，有層次好多，而且唔漏，食完都仲想食，絕對值得試下。