豆乳狂人 (Moved) New Location

早排喺沙田工作完，去河畔花園搭巴士時，見到有間小舖『豆乳狂人』門口好多人，行去睇下，原來呢間舖主打豆乳。同市面好多飲品店不同，豆乳狂人嘅豆漿每日新鮮即磨，堅持不加防腐劑，而且用手工純黑糖代替白糖，比較健康。見到咁多街坊幫襯，就決定買少少下。豆漿味道有好多選擇，有D味道已經售罄，好彩我最想飲嘅手工芋泥豆乳仲有！買定多兩支豆漿做明天老公同我嘅早餐：有機原味豆乳($13)手工芋泥豆乳($25)仙草豆乳($20)所有豆漿本身都係無糖，付款後店員會問你想要幾甜，然後先加入手工純黑糖。我自己愛飲無糖豆漿，老公就鍾意有甜味，所以呢個安排真係非常貼心，可以滿足到唔同人嘅需要。當晚即刻試咗個手工芋泥豆乳，芋泥份量十足。入口軟綿，混和香滑嘅豆乳一齊飲，每啖都食到芋泥嘅顆粒感，好有口感。無論芋頭嘅味道定係黃豆嘅豆香都味道好突出，唔會互相搶去風頭。第二日早餐我就飲有機原味豆乳，鍾意黃豆香味嘅人一定唔好錯過，黃豆味都好濃郁，好飲！老公就飲加咗糖嘅仙草豆乳，佢大讚甜度恰到好處，飲到淡淡嘅黑糖香氣，飲嘅時候仲有滑捋捋嘅仙草，口感豐富！粢飯($20)好大條，要切開一半分享先得！餡料有榨菜、肉鬆、油炸鬼，鹹脆惹味，配豆