PaPa Kitchen (Closed)

去star hall 睇concert，要去附近揾食，想起呢間餐廳。整間餐廳都係落地大玻璃，一眼見哂，似長廊陳列室，晚上配上柔和的黃燈，頗特出。餐廳特別在我過去多次喺晚間經過，每次餐廳內都無客，係一個客都無！但又咁耐都未關門，令我感到好奇，今次終於揾到機會一試。一般倒模西餐的餐牌，揀左好耐都揀唔到食乜，食完之後結論係唔使點揀，因為水準實在欠佳。莫非真係能夠靠午市單天保至尊？雖然明知中伏機會大，但我好感謝朋友肯陪我來滿足我的好奇心。(就似鬼片的主角，明知去鬼屋好大機會遇到鬼，但都要去睇，我就明知好大機會中伏，但都要去試，有病！)