雙節棍粉麵餐廳

Open Now

Now Closed

薑葱覇王雞個汁嘅味道係ok的，但真係唔應該翻叮！我寧願佢好似白切雞咁樣凍上淋個汁，起碼雞皮會爽口啲。雙節棍薄餅見係推介，即管試吓。係脆的，但太鹹喇！其實可以落少啲鹹魚茸。西芹炒帶子炒得太猛火，有啲焦焦哋賣相大打折扣。帶子好迷你，收$78得細細碟⋯唯一係個蜜汁薯仔排骨比較好少少。薯仔夠哂焾、排骨有脆骨又唔韌。餐飲真係唔得。華田淡茂茂，奶茶個茶底又濃得滯。其實呢度越嚟越多單位落成，照計不愁冇生意。但呢個水準，真係替佢擔心。