Han Ban Korean Restaurant (Closed)

之前幫襯過，味道都幾好加上價錢合理所以再幫襯。發覺老闆轉了，上至老闆，下至員工都是韓國人，之前都仲有落單阿姐識中文，老闆連門口掛住休息中都唔知，好彩我一心想幫襯所以先輕推大門問係唔係開咗。雖然老闆變咗，但係餐牌冇變，反而多咗lunch set 同rice ball，價錢合理，大概八十至一百。當然冇得同茶記比，但係正宗韓國餐廳呢個價錢一啲都唔貴。餐廳環境舒適，我情願坐得舒服收我平啲好過整到好靚收貴我，反正地區餐廳。講返食物質素，叫左大醬湯，泡菜炒飯同辣牛肉湯飯。泡菜炒飯係一流，炒得均勻，每粒飯都有泡菜汁，絕對唔求其。牛肉湯飯就少啲牛肉，但係湯嘅味道唔錯。想食正宗韓國嘢又唔想咁貴，呢間絕對值得推介。下次會再試佢嘅燒牛肉，之前食過都幾正，性價比高。希望多啲人支持下呢啲小店。