輝哥私房菜 (Closed)

經過見到樓上店有間火鍋私房菜，叫得私房菜一定係師傅好用心去做👏🏻👏🏻而鋪頭位置都算方便易搵🌆座位分佈寛趟亦沒有太多嘈噪，整體來講十分舒適。侍應服務周到，親切介紹食物🤗🤗4 個朋友傾下計，試左推薦的幾款食物即炸響鈴放落湯底滾一滾，十分香脆，感覺亦唔油膩，好味😝😝仲有紫淮山，健康之餘，味道都不錯，吸哂沙嗲湯嘅精華👏🏻👏🏻打邊爐唔少得的主角肉亦十分不錯，手切牛肉同黑毛豬肉質新鮮美味﹗大大碟完全滿足到愛食肉的我們！😌平時打邊爐即食麵食得多，今次係呢度試下鹼水麵。鹼水麵麵質爽口，味道都好夾，仲唔怕煮到爛！另外就係呢個菊花茶，夠下火😝呢餐整體而言十分滿意，下次會再黎幫襯 ^^