幸福駅 (Closed)

早排響公司附近行開見到一間專賣和風玉子嘅小店，但一直無機會試～今日心血來潮就走左去買黎食！玉子嘅口味都幾多元化，有紫菜、明太子、木魚等～我買左豬排三文治同mega玉子燒。豬排三文治塊豬排認真夠份量，又厚又大塊！不過肉質好嫩滑，又唔會炸到乾爭爭，而係仲有肉汁嘅～三文治夾左生菜，醬料方面有芥末同日式吉列豬排醬。芥末可以減低炸豬排嘅油膩感。不過呢份三文治份量真係有點多，所以一個女仔真係未必食得曬喔～至於mega玉子燒味道都相當唔錯，同樣係大大份，不過我食之前唔記得左影相，所以淨係影左其中一部分～🙈😂今次揀左明太子同紫菜味，靚款都好味道喔～玉子甜甜地，滑溜溜，口感真係唔錯！我覺得以小店黎講，呢間算係幾有誠意，同埋睇得出老闆係用心製作嘅，所以值得一試喔！