Video
Read full review
2019-06-19
161 views
同屋企人食飯，穩陣啲都係食中式少少嘅。樂天去過幾次，心知出品穩定，服務又唔錯，最緊要係老人家鐘意，佢哋開心先家有寧人，你懂的。綜合幾次經驗，以下呢幾款我覺得係一家大細之選。樂天啲老火湯係堅正嘅，冇伏，幾款都試過，幾款都好足料好正。飲完唔會口渴，唔係味精唔係例水。自己買料煲到差唔多咁錢，仲要洗又要心機，所以通常嚟到樂天，一定叫湯。淮山杞子螺頭燉雞湯，入面係有一隻雞，食湯渣都飽飽地（笑）樂天主打家常小菜但帶啲南洋特色，例如呢度會有喇沙個啲嘢食。呢個咕嚕肉，就加咗荔枝去炒，幾特別。今日啲咕嚕肉我覺得就同上次嚟個陣有少少分別，我估係因為突然冇咗活豬供應。少少影響啦，但唔差嘅。荔枝肉用罐頭貨都好正常嘅，應該仲用埋入面啲糖水去炒，所以好重荔枝味，酸中帶甜，真係唔錯呀！櫻花蝦炒四季豆超正！四季豆爽，櫻花蝦鹹香脆口，鑊氣足，炒起上嚟冇油膩感，而且小朋友又好鐘意係度食蝦子，小朋友乖乖食大人傾下計又開心啲（你懂的，again）銀雪魚就貴咗少少，咁本身真嘅銀雪魚材料都貴嘅，我明。不過我哋貪佢冇乜骨，老人家同細路仔都食到。佢又真係好好食，煎到表面脆，肉嫩。佢有個甜豉油跟住嘅，我哋叫餐廳另上，因為怕小朋友唔鐘意
同屋企人食飯，穩陣啲都係食中式少少嘅。樂天去過幾次，心知出品穩定，服務又唔錯，最緊要係老人家鐘意，佢哋開心先家有寧人，你懂的。綜合幾次經驗，以下呢幾款我覺得係一家大細之選。
樂天啲老火湯係堅正嘅，冇伏，幾款都試過，幾款都好足料好正。飲完唔會口渴，唔係味精唔係例水。自己買料煲到差唔多咁錢，仲要洗又要心機，所以通常嚟到樂天，一定叫湯。淮山杞子螺頭燉雞湯，入面係有一隻雞，食湯渣都飽飽地（笑）
樂天主打家常小菜但帶啲南洋特色，例如呢度會有喇沙個啲嘢食。呢個咕嚕肉，就加咗荔枝去炒，幾特別。今日啲咕嚕肉我覺得就同上次嚟個陣有少少分別，我估係因為突然冇咗活豬供應。少少影響啦，但唔差嘅。
荔枝肉用罐頭貨都好正常嘅，應該仲用埋入面啲糖水去炒，所以好重荔枝味，酸中帶甜，真係唔錯呀！
櫻花蝦炒四季豆超正！四季豆爽，櫻花蝦鹹香脆口，鑊氣足，炒起上嚟冇油膩感，而且小朋友又好鐘意係度食蝦子，小朋友乖乖食大人傾下計又開心啲（你懂的，again）
銀雪魚就貴咗少少，咁本身真嘅銀雪魚材料都貴嘅，我明。不過我哋貪佢冇乜骨，老人家同細路仔都食到。佢又真係好好食，煎到表面脆，肉嫩。佢有個甜豉油跟住嘅，我哋叫餐廳另上，因為怕小朋友唔鐘意。餐廳都好配合我哋嘅要求，服務好好。
呢個三色糕我覺得係必食，賣相靚，又好味，唔係好甜。一層椰汁，一層班蘭，一層桂花，好有心機！呢度個餐牌花多眼亂，好多選擇，份量仲可以揀大中細，唔錯唔錯，價錢就當然會比起酒樓貴少少，但合理嘅，都值得推介俾大家！
Post
