文記清湯腩‧咖哩腩麵家 (Closed)

第一次幫襯佢，已經係4年前的事，嗰時佢仲係元朗戲院附近，許留山老店隔離。同老闆娘傾落，舊店加租50%，先至搬過來現在的位置。不過幾次去到都唔駛等位，真有點擔心佢捱唔住...忍唔住要寫下食評。必食︰咖哩牛腩飯 << 馬來西亞式的咖啡，夠香夠辣夠勁，食罷汗珠一滑，爽！清湯腩(要叫肥D)/ 邊腩 << 清湯香而不燥，肉肥而不滯清湯蘿蔔 << 清甜無渣炸魚皮 << 入口鬆化凍奶茶 << 偏甜的、茶味偏淡的，與咖哩飯一吃一呷卻有天生一對之感..............................不過要注意的是，老闆娘一人打理，質素間歇性不穩...嗯...人也好、食物也好，都是可遇與不可求，為那一口清湯感恩。..............................平心而論，她的河粉、辣椒油不及嘉麗園滑及香；湯底不及標記甜；牛腩不及華記軟；奶茶不及發記濃....不過，如果要在元朗選一間清湯腩，我會選她︰『文記』^^用心的小店值得我們保護。