夏捌月 (Closed)

近幾年元朗的大街都被藥房和化裝品店佔據, 要覓食都要到橫街小巷, 平日經過見店面裝修不錯, 餐牌價錢亦合理大多是100多D, 於是相約朋友呢食飯。入面坐位唔多, 燈光柔和, 好適合兩、三知己傾偈聚舊。見網評豬手唔錯, 加上一响鍾意食牛, 於是叫了一個德國咸豬手($158)及美國特級牛肉眼扒(12安士)($238)套餐。最先來的羅宋湯料好足, 仲有好多蕃茄蓉係我喜歡的味道, 然後係熱辣辣的蒜蓉包鬆脆可口, 分量得一件就太少; 主菜先來是2安士肉眼扒分量十足, 肉質都夠腍, 但叫了成熟邊位有些過熟同乾咗少少, 下次應該叫6成就差唔多, 如果一個人齋食牛扒都好滿足。食到一半第二個主菜主是德國咸豬手配蜜糖芥未汁, 亦係相當有份量, 分皮香脆肉質咸香果結是推介之選, 配上蜜糖芥未汁一D都唔覺膩仲惹味咗,, 配意式薯菜, 薯菜做成薄脆也特色。埋單$439, 但2SET3人都夠食; 此外這裡還值得一讚係服務員態度很親切。PS: 如果晚餐最好提前訂位。