Al Forno Pizzeria (Moved) New Location

今日要返教會，諗住去教會附近D餐廳食下野。行行下見到間食意大利菜既餐廳，因為最近好想食pizza嘅關係，見到呢間餐廳又有pizza食, 就諗住去試吓，唔好食嚟食去都係Pizza Hut。望吓個餐牌，原來都有幾多Pizza可以選擇， 而且價錢都唔貴。最後我哋揀咗款Carnivoro既試下，另外叫咗個小食、湯同意粉。首先嚟咗個湯先，今日嘅湯係蕃茄湯。味道好creamy而且酸酸甜甜, 加埋濃濃嘅蕃茄味，好開胃。仲配上2件多士，口感脆脆地，好香口。跟住叫左個Bbq chicken wing 因為本身我哋怕辣，所以叫左bbq味。味道好惹味，而且滲透曬係成隻雞翼入面。意粉方面就叫咗個肉醬意粉，顏色好靚，意粉好煙韌，硬度適中，肉醬味道酸甜，而且肉粒好甘香，撈埋一齊食好惹味！本身我哋驚食唔晒，就叫左個細啲size嘅Pizza。點知原來都幾大份，可以分到5份出嚟我地叫咗個比較多人叫嘅Pizza，係有辣肉腸、ham, bacon, cheddar 同用番茄醬。個pizza焗得好脆，個皮又夠薄，又夠多芝士，味道辣辣地，好食整體來講，雖然呢度個地點係難行啲，但係食物質素真係好高，而且價錢又合理，坐得又舒服，唔