一番風味 (Closed)

一番風味嘅水蟹粥，正！正過澳門d把鬼誠昌皇冠水蟹粥多多聲！其實水蟹粥個名有d名不符實，正確應該叫膏蟹粥！一番風味嘅膏蟹粥，單單睇煲粥金黃嘅顏色，已經吸晴！但今次無點膏蟹粥，全因為朋友話佢個金榜蟹煲好正，要留肚。但係，我真係好想點膏蟹粥囉.....好彩無叫膏蟹粥，原因係 ......金榜蟹煲一上枱，單睇個汁已經知好好味，個汁有d似濃郁嘅叻沙，隨煲付上四片麵包點汁食已經知唔夠喉，要叫碗白飯撈汁唔好浪費個汁，最後當然食到脹肚滿腹！個汁有微辣，再加上隻新鮮同份量唔細嘅肉蟹，感動！如果再點煲膏蟹粥，一定食唔落。下次一定黎食膏蟹粥！好想將個汁打包囉走！