日常料理 (Closed)

首先要讚，店家好細心，號聽日安排座位一坐低，即刻奉上消毒啫喱同消毒濕紙巾。每日老火湯都會唔同，今日係花黨蔘椰子煲雞，材料十足，火喉夠，無味精，抵讚。老火湯配白飯，飲品，特定小食，午餐都係65蚊。正~今日小食，同朋友點左相同老火湯餐，一心以為大家食物相信，點知小食有小驚喜。今日特定小食紫薯粟子可樂餅，炸出黎溫熱，無油膩感(絕非反炸)，炸粉唔厚夠脆身，紫薯香甜(當然唔可以同貴價日本餐廳相比)，夾雜少量粟子粒，令口感無咁單一。而朋友既特定小食反而係黄金蕃薯薯餅，可惜太遲發現無試到。。另外，加點左紅蟹肉忌廉可樂餅，質感同味道似沙律，蟹肉味相比較弱，味道雖然都係好食，但真係唔多似蟹肉忌廉餅。飲品名稱，店家好挑皮咁改左其他稱呼，增加左唔少趣味性。最後要讚，可能飲左湯，加上中央冷氣，食到有D熱，只係同朋友講左句，結果，侍應窩心咁靜靜地打開隻窗，令外面風吹入黎降溫，抵讚。總括而言，不以政冶立場評分，純以食物質素，服務，衛生，價格，店家細心及窩心行為，絕對配得上五星評分。