幸福週末 (Closed)

之前飲過一次幸福堂 聞名去飲 點知成為我黑糖鮮奶比較差既一群😖 印象中係甜到不得了 溝多2杯水都唔會淡個隻🤦🏻‍♀️ 今日一心打算黎登龍街買野飲 竟然見到幸福週末 取代了幸福堂的位置 本身都唔打算飲 但見到佢既招牌黑糖唔簡單 係黑糖海鹽珍珠鮮奶 夠創新 ！就試一試你～🙆🏻‍♀️而我買開 男友又懶得排第2間 就買左另一款 玫瑰桂花泡泡 ～🌹等左一陣就有得飲 店員吩咐要攪拌先飲得黑糖味夠但絕對冇過甜 珍珠都唔會太淋/太un 重有d咸咸地 真心幾特別 加分！👍🏻另一杯就係梳打黎架 一樣要攪拌先飲得 我一拎上手不停影相 因為佢做到好似發光咁✨✨重有粒大波子係內 應該係大菜糕之類 但賣相100分 味道呢 玫瑰味就未算好強 反而荔枝味幾重😂 都幾解渴 絕對會返check 要試埋個黑糖抹茶！😍Ps 飲完之後再係社交網站見到有段片 係幸福週末既老闆 解釋返自己個店名 原來成個品牌同幸福堂係冇關 原本只係一間係荃灣自成一角的小店 但頂左這個舖位後 被人誤會是幸福堂改個名就繼續賣 不過講真我都信呀 因為佢地既招牌飲品都唔同 而荃灣都真係本身就有一間 所以大家要以一個新小店既目光黎飲喔♥️