Video
Read full review
2022-07-10
312 views
一直佐敦番工都無留意到，南京街呢度開咗間泰國菜，今日同幾個同事放工行經就黎聚吓腳，因為我哋有六個人，揀咗近門口嘅位置。順帶一提，我幾中意佢近門口活動式嘅半窗間隔配高台呢個組合，可以睇到街外情況之餘又唔會熱，舖內裝修都有花點小心思，地方乾淨。店員服務態度正常，見到兩個師傅係燒爐位置，一個泰國姐姐加一個本地人，同附近嘅客人都有講有笑，但淨係識笑無用，因為我係黎食飯，即管試試佢咩水準，雖然我地一行6人，但有一半女士，食量不大，所以我地都係叫串燒為主，畢竟呢間舖主打串燒：等左唔算耐，先黎嘅係燒牛舌心，煙肉蕃茄仔，雞皮，師傅有解釋牛舌邊緣位置較硬，而且牛味較淡，所以佢地只會保留較中間位置。的確，牛舌心外層焦香，口感軟嫩，牛味香濃，我特登再翻查價錢只係賣22$串，性價比十分高！坊間唔少串燒店都有燒雞皮，一般食到嘅都係全脆，呢度嘅雞皮外脆內軟，邊種正宗我就唔知，但個人比較喜歡外脆內軟嘅口感。再黎嘅係燒豬頸肉，同樣火侯同時間掌握得幾好，有肉汁，燒豬頸肉最忌燒到太老，鞋口，配呢個泰式醬汁令我諗番起早幾年去曼谷嘅Sala Daeng街邊檔食串燒嘅味道！跟住有泰式燒原隻魷魚，燒茄子，正常。值得講嘅係泰式燒白
順帶一提，我幾中意佢近門口活動式嘅半窗間隔配高台呢個組合，可以睇到街外情況之餘又唔會熱，舖內裝修都有花點小心思，地方乾淨。
店員服務態度正常，見到兩個師傅係燒爐位置，一個泰國姐姐加一個本地人，同附近嘅客人都有講有笑，但淨係識笑無用，因為我係黎食飯，即管試試佢咩水準，雖然我地一行6人，但有一半女士，食量不大，所以我地都係叫串燒為主，畢竟呢間舖主打串燒：
等左唔算耐，先黎嘅係燒牛舌心，煙肉蕃茄仔，雞皮，師傅有解釋牛舌邊緣位置較硬，而且牛味較淡，所以佢地只會保留較中間位置。
的確，牛舌心外層焦香，口感軟嫩，牛味香濃，我特登再翻查價錢只係賣22$串，性價比十分高！
坊間唔少串燒店都有燒雞皮，一般食到嘅都係全脆，呢度嘅雞皮外脆內軟，邊種正宗我就唔知，但個人比較喜歡外脆內軟嘅口感。
再黎嘅係燒豬頸肉，同樣火侯同時間掌握得幾好，有肉汁，燒豬頸肉最忌燒到太老，鞋口，配呢個泰式醬汁令我諗番起早幾年去曼谷嘅Sala Daeng街邊檔食串燒嘅味道！
跟住有泰式燒原隻魷魚，燒茄子，正常。
值得講嘅係泰式燒白鱔，呢個試完真係番唔到轉頭，超正！魚皮香脆魚肉彈牙鮮嫩，仲保留到超多肉汁，可選是今晚最精彩之作，睇到眾人反應令到不愛白鱔的同事都試左一口，如果呢個時侯再黎一杯冰凍既泰單就不得了。
另外仲點左一堆海鮮，是日人均消費200，6個人都食得飽，可謂良心小店，今晚最可惜店內似乎未有酒精飲品供應，店員表示正在安排，希望下次黎果陣有機會盡興！
Post
