Crazy King Restaurant and Bar (Closed)

今晚同朋友嚟到大角咀的crazy king食大餐， 我哋選擇咗呢度招牌菜意大利皇家魚子醬套餐，先來魚子醬三重奏，有溏心蛋，蝦沙律同劍魚腩，是一道清新的前菜。 再來有羅宋湯及野菜沙律，之後是花甲意粉同忌廉蝦意粉 ，上桌時大廚都會在上面刨一些乾魚子，大廚說乾魚子來貨價1kg要一萬多元，非常矜貴。好喜歡忌廉蝦意粉的醬汁，不過鹹，而且非常creamy。紅酒炆牛肉好好味，牛肉炆得非常淋及入味。慢煮雞胸肉 同 煎法國雞髀，肉質嫩滑，雞味濃，非常出色。這裏的服務也很好 ，店員姐姐斟水很密，非常有善。大廚每一道菜都會介紹及問我們意見，好有誠意。環境亦很舒適，好闊落。