INTIME (Closed)

有事去中環順道在這區食晚餐，經過這餐廳見佢裝修簡約，而侍應亦很殷勤介紹佢地菜色，我們就決定試下👅香煎西班牙栗飼豬扒配焦糖蘋果香草燒汁薯蓉及沙律🥗當豬扒上枱時，第一眼已經被有誠意嘅擺盤吸引住，豬扒放在薯蓉上面，豬扒上面放上一片焦糖蘋果。旁邊的沙律配上不同蔬菜，如青瓜絲，火箭菜，車厘茄等，加上一個酸酸地的沙律汁非常之醒胃，作為一個前菜能提升食慾。豬扒很容易切開，肉與脂肪好分布均勻，入口有種爽口彈牙感覺，將豬扒點上燒汁就更惹味。薯蓉做得很幼滑，濃香的牛油及cream混合埋一齊，入口唔會黏住🤤焗香草走地雞半份配燒汁、薯條及沙律🐷焗雞外皮烤得金黃色，雞上放上了迷迭香，而配菜是薯條，另外亦有沙律菜在旁，這沙律菜除了沒有青瓜絲之外，基本上跟豬扒的沙律是一樣，同樣新鮮及清新。這道焗雞入口外皮鬆脆內裏嫩滑，就算雞胸都唔會好嚡口，雞肉亦有迷迭香香味，而配上燒汁，令淡口雞肉錦上添花。雞的份量很足夠，非常飽肚🫶椰椰芒芒避風港😍點餐時侍應細心提醒我哋呢杯係沙冰，問我哋凍飲O唔OK。它是一杯奶黃色嘅好搶眼嘅飲品，飲品底部係啲芒果蓉，而中間係沙冰，面頭係一個雪糕球，成杯飲品好靚好適合打卡，飲品奶味偏重，入口香甜香滑