皇軒私房菜 (Under Renovation)

前排工作太繁忙，晚晚都無時間返屋企食晚飯。最近手頭上既工作終於忙得七七八八，係時候補償返媽媽，佢話想食私房菜，上網搵到呢間新開張既，就俾機會佢試試啦！餐廳位置有少少難搵，不過上到樓有驚喜，地方乾淨俐落，裝修頗華麗，燈光配搭得宜。餐廳有提供set，岩哂一家大細做節或者公司同事聚餐。柚子鴨胸，鴨胸肉質粉嫩綿滑，配上柚子醬，感覺新穎。石岐乳鴿，十分出色，外皮酥脆，味道濃而不咸。熱辣辣食好好味。雜菌豬頸肉，相對黎講，普通少少的一道菜，但送飯是不錯的。海參浸時蔬，海參爽口彈牙，白菜鮮甜入味。全晚我最欣賞的菜，香草燒羊架，燒得剛剛好，肉質厚實嫩滑。好欣賞旁邊的薄荷醬，與市面一般綠綠的薄荷醬不同，師傅加入了桂花，入口好香甜，羊架用了紫薯蓉做底，好特別。食左咁多，已經好飽，最後老闆話送甜品，菊花豆腐，一放到台面，薑的香味已經撲鼻而來，豆腐切成菊花的刀功亦非常厲害👍同老闆傾計，原來餐廳是今年新年先開的，非連鎖餐廳，用料精緻，又有誠意的私房菜，應該多多支持！