Video
Read full review
2015-11-30
359 views
平時到諾士佛臺多是晚飯同飲野，估唔到呢度會有一間遠離塵囂嘅小cafe, 而且能做出不錯的waffles and crepes! 之前喺instagram見到人post左佢嘅waffles嘅相，賣相好吸引，於是趁著weekend下午去試試！週末下午的諾士佛臺特別寧靜，穿過一排客人零丁的餐廳，便搵到冠福中心，搭lift直達9樓，便見到cafe啦。Cafe門面採用黑白主調，簡單而清雅。店內佈置簡潔，約有8張枱，枱與枱之間有充足距離，不會太迫窄，令人坐得舒適，傾計都𣈱快啲！店員招呼我地坐低，貼心地遞上2杯水，再向我地介紹返餐牌。最後我地揀左下面2款甜品2款飲品。1.比利時朱古力奶 （熱）$38呢杯朱古力我真係好鍾意！夠曬香濃！加上面頭一層凍凍的忌廉，一冷一熱，刺激！朱古力味好出好出！唔會因為太多牛奶味而朱古力味無訂企！佢嘅甜度亦岩岩好。店員（or老闆）話佢地唔係用朱古力粉沖架，而係用朱古力溶嘅，好有heart!2.草莓窩夫配雪糕 $61哇哇哇！一上枱就令人驚喜！賣相好靚好有誠意！雖然士多啤梨唔太甜但勝在夠新鮮。主角窩夫唔會係軟腍及輕飄飄嗰啲，而係厚實有咬口的（chewy)。佢表面有層薄薄的焦糖
之前喺instagram見到人post左佢嘅waffles嘅相，賣相好吸引，於是趁著weekend下午去試試！
週末下午的諾士佛臺特別寧靜，穿過一排客人零丁的餐廳，便搵到冠福中心，搭lift直達9樓，便見到cafe啦。
Cafe門面採用黑白主調，簡單而清雅。
店內佈置簡潔，約有8張枱，枱與枱之間有充足距離，不會太迫窄，令人坐得舒適，傾計都𣈱快啲！
店員招呼我地坐低，貼心地遞上2杯水，再向我地介紹返餐牌。最後我地揀左下面2款甜品2款飲品。
1.比利時朱古力奶 （熱）$38呢杯朱古力我真係好鍾意！夠曬香濃！加上面頭一層凍凍的忌廉，一冷一熱，刺激！朱古力味好出好出！唔會因為太多牛奶味而朱古力味無訂企！佢嘅甜度亦岩岩好。店員（or老闆）話佢地唔係用朱古力粉沖架，而係用朱古力溶嘅，好有heart!
2.
草莓窩夫配雪糕 $61
哇哇哇！一上枱就令人驚喜！賣相好靚好有誠意！雖然士多啤梨唔太甜但勝在夠新鮮。主角窩夫唔會係軟腍及輕飄飄嗰啲，而係厚實有咬口的（chewy)。佢表面有層薄薄的焦糖及糖粒，增添特別的口感同甜度！士多啤梨+開心果雪糕+窩夫+朱古力醬一齊食真係味覺一大享受！3.
朱古力榛子醬可麗餅 $34
其實係Nutella Crepe. Crepe煎得夠薄，煙煙韌韌，本身唔會太甜，所以入面塗左一層Nutella, Nutella亦係呢個甜品嘅甜度來源。碟邊亦附有extra 嘅Nutella 同 fresh cream, 滿足愛多些甜的朋友！4.
伯爵茶 Organic Earl Grey $22
食完甜品覺得太膩，可以飲返杯茶解解膩！呢間cafe有自助電話叉電位，提供埋叉電線，好貼心！我地喺度傾下計，嘆下甜品，上下網，hea下hea下又過左一個下午啦！
Post
