皇府 (Closed)

在 OpenRice 看到這間餐廳，咁啱去又一城買嘢，即管一試，不知是新推出、或沒人寫食評，點了黑毛叉燒飯套餐（連湯或菜 $128），啲黑毛豬叉燒，堅好味～ 木瓜豬𦟌雞腳湯，也足料唔馬虎～ 唔知係咪差不多關門、定標準也是這樣，啲叉燒份量大小足秤，加上，半肥瘦關係，一個人吃完，可能會有點滯，如果，兩個人吃而又不太肚餓，可以 share 啲叉燒，另一份則點個輕量餐，溫馨提示，每天是有份量限定，平日應該冇問題、週末或要注意晚了會賣完。是日，我們再點了叉燒鮑汁伊麵（$138），叉燒當然冇黑毛豬咁好味，但個鮑汁伊麵，確是幾唔錯，好味過啲大酒樓，這個價錢，在現在物價高漲情況，也算係咁，不過，如果再加價，就真係唔抵吃，礙於，我們倆也點了較 heavy 食物，大家都食唒自己嗰份（我有食少少伊麵），雖然本身係好肚餓，但都飽到半夜，一餐頂兩餐，埋單差不多 $400（茶位、加一），其實，都算抵吃，而家，出親街吃飯也要這個價錢，最怕係又貴又唔好食，這間算對得住個價錢。