Video
Read full review
2018-10-16
882 views
早輪見唔少報導介紹呢間開張不久嘅日本料理，今晚收工就相約起行，幸好食完飯先落起大雨，否則可能錯過一餐美食。餐廳位於譚公道，就喺燈位旁邊，從外觀可見裝潢都花過心思，而且都係走高檔次路線。鋪位面積不少，樓底夠高，感覺相當舒適。近門口位置設置一列吧枱，可以見到師傅於席前製作，其餘木色枱櫈簡約風格。店員人手充足，及後全店爆滿都足以應付，仍不時加茶入座時未夠八點，尚餘少量位置，但愈夜愈多人，如果有心食、特別係想食廚師發辦嘅，一定要預約啊。訂位前已經參考過餐牌，知道呢度有omakese，價錢600-1000/位，不過我地冇彈藥，主要為丼飯而來。海鮮丼方面有七款，分別有夢之丼、三文魚丼、什錦魚生丼、炙燒嘅海鮮丼、海膽丼、拖羅丼等，價錢係138-368蚊，豐儉由人。午市有優惠價8折，加上新開張，全日供應半價69蚊嘅秘醬三文魚丼。除左海鮮丼，仲有刺身、壽司、小食等，選擇都算多。夢之丼：以店名為名嘅招牌，跟埋麵豉湯、甜品、前菜一次過上。前菜係沙律，麵豉湯都幾有誠意。相信係用海鮮熬煮，特別鮮味，仲有隻青口添。上枱時仲有一杯自家製橙醋，店員解釋，可以先呷一口，然後加少少橙汁搭配帆立貝食，加上金箔點綴，特別豪華
入座時未夠八點，尚餘少量位置，但愈夜愈多人，如果有心食、特別係想食廚師發辦嘅，一定要預約啊。訂位前已經參考過餐牌，知道呢度有omakese，價錢600-1000/位，不過我地冇彈藥，主要為丼飯而來。海鮮丼方面有七款，分別有夢之丼、三文魚丼、什錦魚生丼、炙燒嘅海鮮丼、海膽丼、拖羅丼等，價錢係138-368蚊，豐儉由人。午市有優惠價8折，加上新開張，全日供應半價69蚊嘅秘醬三文魚丼。除左海鮮丼，仲有
刺身、壽司、小食等，選擇都算多。
夢之丼：以店名為名嘅招牌，跟埋麵豉湯、甜品、前菜一次過上。前菜係沙律，麵豉湯都幾有誠意。相信係用海鮮熬煮，特別鮮味，仲有隻青口添。上枱時仲有一杯自家製橙醋，店員解釋，可以先呷一口，然後加少少橙汁搭配帆立貝食，加上金箔點綴，特別豪華。呢個飯都幾豐富，乜都有啲，帆立貝、海膽、汁煮生蠔、牡丹蝦、蝦膏、三文魚籽、三文魚蓉。帆立貝加上橙汁，有提鮮作用；北海道海膽香滑，食落甘甜。牡丹蝦分拆成蝦肉、蝦膏，新鮮到不得了。汁煮生蠔肉質飽滿；三文魚籽晶瑩鹹鮮；三文魚炙燒過，十分香口，魚油豐富。配上自家醃製嘅冬菇同即磨山葵，食得出滿滿誠意
另外點嘅係一番拖羅丼，價錢僅次於海膽丼，同樣配上前菜、湯、甜品。丼中有四款吞拿魚，包括赤身、拖羅、大拖、吞拿魚蓉、火炙拖羅，配上一隻蛋，撈一撈，更滑溜。基本上魚生都係非常新鮮，拖羅入口即溶，特別係大拖、炙燒果件，魚油溢出；魚蓉加上蔥、芝麻都好香
呢度係用日本米加赤醋調味，而家都有一部份丼店係用赤醋米嘅，米粒分明，而且酸度適中，唔會太濕笠。海鮮、魚生都係由日本直送，即使唔係食廚師發辦，亦可感受到師傅對食材嘅要求，皆因丼中嘅海鮮都有經過配搭、調味咁，值得試下
韓式醬燒雞扒：雞扒燒到外皮香脆，雞肉仲係幾嫩。
Post
