喜運 (Closed)

一係唔食，一食開就連續兩日都食點心。不同的是今次去了喜運。又係食盅頭飯，今次是北姑滑雞飯。$18的盅頭飯，料出奇的足。雞肉啖啖肉，啱晒我呢類懶吐骨的人食。雞肉軟綿綿又夠juicy,比起好多大酒樓好味得多。蠔油生菜10蚊大大碟，抵過買返屋企自己煮。生菜爽口無比，證明店主選料嚴謹，不新鮮的食材絕不選用。最後上的蝦餃,一樣份量十足，絕不欺場。但當然，十多元食到的蝦餃，手工當然難跟正宗的比美。根據正宗的蝦餃定義，蝦餃是以一層澄麵皮包着一至兩隻蝦為主餡，份量大小多以一口為限。傳統的蝦餃是半月形、蜘蛛肚共有十二褶的，餡料有蝦，有肉，有筍。優質美味的蝦餃一定要皮薄而軟，如果餃皮是半透明則更佳；蝦要爽口彈牙，餃內有少量汁液，全隻餃則要夠熱為最佳。這裏的蝦餃當然不乎合上述的要求，尤其是餃皮完全不通透和晶瑩。但對我而言，十多元食到啖啖爽口蝦肉，夫復何求？