誠拉麵 (Closed)

今日去了屯門市廣場幫個女買返學鞋，去到aeon地下原來入邊好多嘢食，行吓行吓去了一間拉麵，叫做誠拉麵。入邊原來係foodcourt形色，地方非常乾淨，又闊落，枱同枱之間有一段距離，有專人執枱，好方便比完錢落單等五6分鐘已經有得食。今日食咗一個套餐，赤豚骨拉麵（辣）：湯底非常濃厚，紫菜夠脆口，流心蛋一睇就知道好野，豚肉好大塊好入味，始終辣辣地嘅湯底好啱我。明太子手羽：雞中翼入邊有明太子，外脆內軟，少少辣。鹽燒雞軟骨：燒到時間好恰當，少少鹽已經足夠。必食推介行到入好方便搵到，一個套餐$98真係好抵食，有拉麵有小食有嘢飲，出邊仲有超市可以行吓。