峇峇娘惹 (彌敦道) (Closed)

係附近做完野搵野食，朋友話想食湯麵於是就上網睇睇附近有咩麵食，見到呢間好似開左唔係好耐既新加坡餐廳就貪得意入去試下 。見好多人po佢個拉茶就跟餐叫左杯黎試，本身中意飲甜都覺得味道唔錯。最得意係佢隻杯好似以前共產年代用既款。主食揀左海南雞喇沙，以男仔食量黎講其實細碗左少少，不過雞就幾滑，麵都有兩種麵線撈埋一齊食。之後再整多件西多，炸得都好脆身，如果煉奶再多少少就好。整體來說都算中上好食，不過以油麻地區黎講就可能唔算特別抵食。