Video
Read full review
2018-06-23
122 views
本身同閨蜜喺呢個位於金巴利廣場對面嘅MW Plaza 諗住搵間bar happy hour chill下， 𨋢門一打開，差啲以為自己去錯地方😂眼前環境昏暗，有一個好古典歐式風格、 放滿魔法袍嘅衣櫥， 感覺有啲似環球影城嘅哈利波特密室~門後嘅環境都係超靚呀~😍窗外雖然唔係望山望海，幽靜嘅街道卻給我一種恬靜嘅感覺，昏暗同具魔法神秘氣氛嘅佈置更是非常浪漫☺我地嗌左個Narnia set (3 courses) 同Atlantis set (5 courses)西班牙鬆脆包配鵝肉醬🥖個包非常鬆脆，topping嘅鵝肉醬更係當中嘅精髓所在！ 鵝肉浸油拆絲， 食落非常香口，而配埋伴碟嘅火箭菜一齊食可以中和當中嘅油膩咁，好開胃😍馬賽海鮮湯🦐 海鮮湯以三文魚、 大蜆青口蕃茄煲成， 啖啖鮮味再加點甜味，而且湯清得嚟一啲渣都冇👍🏻栗子忌廉湯🌰湯非常creamy濃滑，栗子味好出， 再加上淡淡忌廉味， 唔錯唔錯！慢煮野生灰鯛魚🐠魚嘅魚皮煎得非常脆口，但魚肉卻保留咗佢嘅滑嫩度 食落去非常鮮嫩，加埋伴菜嘅藜麥一齊食， 口感真係一絕！以往我都只係會用藜麥做沙律或者凍菜，真係估唔到熱食係咁有風味😋慢煮法國黃雞胸 🐓雞
眼前環境昏暗，有一個好古典歐式風格、 放滿魔法袍嘅衣櫥， 感覺有啲似環球影城嘅哈利波特密室~
門後嘅環境都係超靚呀~😍窗外雖然唔係望山望海，幽靜嘅街道卻給我一種恬靜嘅感覺，昏暗同具魔法神秘氣氛嘅佈置更是非常浪漫☺
我地嗌左個Narnia set (3 courses) 同
Atlantis set (5 courses)
西班牙鬆脆包配鵝肉醬🥖
個包非常鬆脆，topping嘅鵝肉醬更係當中嘅精髓所在！ 鵝肉浸油拆絲， 食落非常香口，而配埋伴碟嘅火箭菜一齊食可以中和當中嘅油膩咁，好開胃😍
馬賽海鮮湯🦐
海鮮湯以三文魚、 大蜆青口蕃茄煲成， 啖啖鮮味再加點甜味，而且湯清得嚟一啲渣都冇👍🏻
栗子忌廉湯🌰
湯非常creamy濃滑，栗子味好出， 再加上淡淡忌廉味， 唔錯唔錯！
慢煮野生灰鯛魚🐠
魚嘅魚皮煎得非常脆口，但魚肉卻保留咗佢嘅滑嫩度 食落去非常鮮嫩，加埋伴菜嘅藜麥一齊食， 口感真係一絕！以往我都只係會用藜麥做沙律或者凍菜，真係估唔到熱食係咁有風味😋
慢煮法國黃雞胸 🐓
雞胸肉嘅皮煎到非常香口，但入面嘅雞胸肉卻保留咗原有嘅水分，食落好juicy 、肉質嫩滑，而且黃雞胸肉配搭嘅醬汁係以雞骨淆兩天而成，一聽落已知呢度菜式有幾咁用心！
鵪鶉髀意大利飯 🍗
先嚐一口意大利飯就已經可以使到大廚嘅功架， 意大利飯唔好煮得太腍，飯食落有口感亦充分吸收到雞湯嘅香☺ 鵪鶉比有如迷你版嘅雞髀，但肉質比雞再嫩口一點 ，食落再香口一點， 有種微醺嘅感覺~
焙茶芝士餅🍰
培茶同埋芝士嘅比例配合得好好，非常creamy嘅芝士入面滲透著淡淡嘅焙茶香，口味非常清新，加埋cheesecake底下嘅 洛神花醬酸酸地，好解膩！
一定要提嘅係侍應姐姐超用心同有禮咁去介紹每一款菜式嘅煮法同特點，呢種service真係就算係啲高級餐廳或者酒店都買少見少👏🏻
Post
