Cafe Causette

Open Now

Now Closed

標題寫到咁，因為自己寫review 前見到其他評價... 真心覺得係咪我咁唔好彩 原本想安慰自己， staycation package包的 afternoon tea ， 質素可能差 D 啦 ～ 但係見到同平時的tea set 只係少左2 樣，其餘一模一樣， 咁就真係非常之唔抵食囉⋯⋯ 成份set 最好味就係曬鹹點個4 款三文治/wraps ， 個人最喜愛🌿香草松露蛋沙律， 小牛肉吞拿魚水瓜柳酸瓜都幾特別，另外煙三文魚忌廉芝士同鮮蝦雞尾酒就正正常常。 甜點係完全得個甜 法式牛奶朱古力蛋糕（實質係牛奶朱古力mousse） 、 薑餅香橙果仁蛋糕（薑餅香橙都mix 得可以， 蛋糕衰左）， 唯一少甜因為有酸味嘅紅桑子雲呢拿撻食得下.. 不過呢三樣我都係咬1/4 就放埋一邊。 最後， 重頭戲， 說好的「全港數一數二 scones」， 失望！ 乾身到裂咁濟、 又充滿糖粉 提子scones 還好少少， 都係偏乾。 連個牛油忌廉都硬身得濟..