老點點心缽仔飯 (Closed)

有驚喜的新派點心很久沒上茶樓嘆番一盎兩件，但晚餐時段茶樓又沒有點心吃，喜好近排開了好幾間主打創意點心既店鋪，所以決定和女朋友來試試。店舖主打黃啡色調，以梳化椅為主，環境都尚算舒適。七味虎皮尖椒虎皮椒煎到好香脆，加上面層既七味粉，都頗辣，但好惹味，裡面既魚肉爽滑彈牙。吾係老點小漢堡兩件迷你漢堡用牙籤插住固定，賣外可愛精緻，中間塊肉用蝦餅代替牛扒，件蝦餅裡面有好大隻蝦，仍保持肉汁，配上日式 Wasabi 味芥末醬，真係好滋味！咸香黑魚子燒賣上面有粒粒黑魚子，中西合璧，裡面仲有幾隻蝦仁，豬肉也稔軟。白肉蓮藕餅炸到外層好香脆，裡面仔有爽口既蓮藕粒，好有口感。冬筍普通鮮蝦餃皮薄餡靚，晶瑩通透，鮮蝦吃下去爽口彈牙，配上冬筍更能突出蝦的鮮甜味，比普通茶樓做得出色。南乳炆豬手南乳醬好惹味，豬手炆到好稔滑和入味，一咬就散但仍持膠質。新派點心味道和賣相相當有驚喜，室內環境都舒適，邊個話點心無綽頭，視乎你有無諗頭