吉野家 (Closed)

小弟愛吃飯多過包, 所以有得簡的話會簡吉野家多過麥叔或其他連鎖包店。以前係左敦翻學, 一放就係吉野家。今次叫左個溫泉蛋牛肉(加大), 這裡的牛肉是可以的, 這個價錢來說算好了, 而且偏肥, 飯奇怪地幾好咬口, 不過就無咩飯香。 所謂的溫泉蛋根本就係生蛋, 設計者聰明得很, 佢以為生既蛋一撈落飯局1局就半生熟, 話明快餐又點夠時間局? 我食完個蛋都重係生歐歐硬兜兜, 完全做唔倒溫泉既感覺, 而且隻蛋成本問題非常之腥, 食食下成碗飯膠住晒以為自己係喺德興。吉野家既缺點係汁永遠都過多, 無論食咩餐都偏咸, 牛肉可拖拉很長, 出門口都未斷, 剪下佢喇大佬, 食到成面係。 之前試過佢地既蔬菜非常膠, 完全無味的, 但有魚子的飯就咸到飛起。 講到尾呢度都係適合學生仔, 不過值得一讚的是, 對於發育時期既年青人, 碗飯真係打完Ball都夠飽。