江記粥粉麵茶餐廳 (Closed)

大前日（12﹣6﹣2013 Wed）端午節同男友睇完戲後返屋企食飯，點知爸爸以為我o地唔返去食飯，所以冇煮餸，其實我都唔係好肚餓，不過男友話重係'爭'啲啲，而我第二日冇飯帶返工，於是男友就買一盒飯同一個麵返o黎食。佢o係o度買o左生炒牛肉飯，沙爹牛肉雙蛋麵同熱奶茶。打開睇睇，盒飯好大盒，顏色好淺，食落，冇味o既？只尤幸牛肉炒得o岩o岩好唔老，飯亦唔太濕而已。而我裝一盒返公司時，都要落返美極。然後試沙爹牛肉雙蛋麵，蛋係全熟蛋，而呢個明顯夠沙爹味啦，如果連呢個都冇味就死得。熱奶茶我就冇影同飲。最後問男友total幾錢？佢答$46.00