小皇府 (MOKO新世紀廣場)

Open Now

Now Closed

調味適中，而且唔油膩，環境舒適，員工服務態度良好。因為蜜蜂流沙包就攞左位食，而黎到係真係有蜜蜂樣，只係啲黑色裝修既麵團比較韌，但整體係好睇又好味，推薦嗌。另外鳳爪、蝦餃、懷舊上湯煎粉果三樣都值得再嗌。鳳爪冧得黎仲有彈性，而且入曬味。蝦餃皮夠曬薄，調味適中，蝦肉咬落好爽。煎粉果黎到係炸架，感覺有啲描述不符，不過係好好食，炸到好酥脆，入面亦都唔係平時食開沙角餡既粉果，而係充滿蝦既，調味比蝦餃更豐富，加埋個另上既湯一齊食，就好似食一個超級酥脆既爆湯鮮蝦餃子咁。鵪鶉蛋燒賣就麻麻地。（有部分無影相）整體係好食，係可以翻啅既餐廳。