Video
Read full review
2015-08-02
4523 views
談心。和對象温馨晚飯的好地方。感覺私癮。食物質素好。mini clubMINI CLUB係一間好有情調嘅餐廳酒吧，昏暗燈光﹑枱同枱之間嘅間隔都闊，配合貼合情調嘅音樂，前邊係有型嘅吧枱位，後邊系溫馨嘅沙發位，再配合點點營光嘅style，同柔和嘅蠟燭，當日同兩個好朋友嚟到嘅時候，就覺得呢一個係一個男仔應該好鍾意大女仔黎嘅地方！事實亦都證明咗响除咗我地三位女士一枱之外，見到附近嘅都係一男一女溫馨咁享受嘅晚餐！其實太平道附近呢度都有啲酒吧不過普遍都係一啲劈場，就令到MINI CLUB更加吸引到我來啦。呢度嘅食物和飲品的選擇真係好多，啤酒紅酒白酒香檳，有氣葡萄酒，好靚好吸引女性嘅雞尾酒等等一應俱全。事實上呢一類舒適休閑嘅社交酒吧餐廳類型亦都會成為未來的潮流。三個女仔共點了一支葡萄酒同一杯雞尾酒，傾傾吓都可以由七點半傾到大概十點。我哋今次飲嘅呢隻moscato 有氣葡萄酒, 好清新易入口，本身呢一種提子會偏甜，適合我呢啲平時唔係好飲酒嘅朋友，甜甜地易入口嘅酒類就絕對適合女性！唔會太dry , 果香味濃，容易配合不同食物！其實講酒我就真係咩都唔識架啦不如講返我哋當日食咗啲咩啦！呢一度嘅生蠔選擇好多而
MINI CLUB係一間好有情調嘅餐廳酒吧，昏暗燈光﹑枱同枱之間嘅間隔都闊，配合貼合情調嘅音樂，前邊係有型嘅吧枱位，後邊系溫馨嘅沙發位，再配合點點營光嘅style，同柔和嘅蠟燭，當日同兩個好朋友嚟到嘅時候，就覺得呢一個係一個男仔應該好鍾意大女仔黎嘅地方！事實亦都證明咗响除咗我地三位女士一枱之外，見到附近嘅都係一男一女溫馨咁享受嘅晚餐！
其實太平道附近呢度都有啲酒吧不過普遍都係一啲劈場，就令到MINI CLUB更加吸引到我來啦。呢度嘅食物和飲品的選擇真係好多，啤酒紅酒白酒香檳，有氣葡萄酒，好靚好吸引女性嘅雞尾酒等等一應俱全。事實上呢一類舒適休閑嘅社交酒吧餐廳類型亦都會成為未來的潮流。
三個女仔共點了一支葡萄酒同一杯雞尾酒，傾傾吓都可以由七點半傾到大概十點。
我哋今次飲嘅呢隻moscato 有氣葡萄酒, 好清新易入口，本身呢一種提子會偏甜，適合我呢啲平時唔係好飲酒嘅朋友，甜甜地易入口嘅酒類就絕對適合女性！唔會太dry , 果香味濃，容易配合不同食物！其實講酒我就真係咩都唔識架啦不如講返我哋當日食咗啲咩啦！
即開生蠔
$148
172 views
1 likes
0 comments
問過呢度嘅待應，餐牌上見到嘅蠔，普遍都會有供應齊全，嘅唔會好似啲餐廳餐牌上邊可能寫20隻蠔種，但係原來都係得兩三隻有供應！另外要讚一讚呢一度嘅師傅，會按你嘅選擇而去將蠔由淡到濃，順次序排，好咁我哋就可以順應好好感覺一下唔同蠔嘅層次感！唔會因為食咗濃嘅蠔而感受唔到淡蠔的特色！我哋當然重點左一個有型，枱枱點嘅海鮮拼盤啦！
Seafood Platter海鮮拼盤
$288
96 views
0 likes
0 comments
有: French Edible Crab 睡蟹，French Cooked Blue Mussel 藍青口，Canadian Cooked Whelk 翡翠螺，cooked abalone 鮑魚，Cooked Shrimp 熟蝦，cooked Clam 大蜆
款式可能因應供應有少許變動，不過查實二百零蚊有咁多嘢食都好抵呀，睡蟹超多膏。好味到爆，蜆同青口都好鮮甜，翡翠螺爽口鮮甜又大隻。很可惜我只鮑魚嚮我拮嘅時候就飛咗落街啦。。。
36個月的黑毛豬
$288
52 views
0 likes
0 comments
叫拼盤叫到有點上癮，食完個海鮮拼盤再食黑毛豬拼盤感覺實惠又好食之後，我哋決定食埋另外一個: 巴馬火腿。芝士併盤 $288，
巴馬火腿。芝士併盤
$288
74 views
0 likes
0 comments
另外都點了其他佐酒小食。一口和牛粒係推薦食品。牛肉粒香濃牛味，肥瘦均勻，惹昧可口，分量也多，抵食又襯酒！
一口和牛粒
57 views
0 likes
0 comments
Other Info. :
題外話就係我發現呢一度嘅侍應生全部都係男仔黎架，而且都好靚仔，最重要嘅就係佢哋個名牌上面有佢哋改咗英文名。。。哼！
(The above review is the personal opinion of a user which does not represent OpenRice's point of view.)
Post
