The Galley by Cafe Proud Wings (Closed)

情人節食飯在飛機餐廳，以前搵餐廳比較注重有咩食。但依家睇餐廳最緊要係了解餐廳衛生情況和有無做好防疫措施。我見呢間餐廳有提供酒精消毒液比我哋，環境都乾淨。情人節套餐$468一人，價錢都算合理。頭盆我地揀咗香煎鵝肝多士配無花果。鵝肝大大塊，好足料，配上無花果食一解鵝肝的肥膩感。湯我揀咗黑松露野菌湯，味道濃郁鮮甜，唔錯。主菜我揀咗香煎海鱸配藍青口紅花汁，擺盤好靚，色彩鮮艷，望落就開心。醬汁好正，魚肉嫩滑。最後仲有玫瑰伯爵茶蛋糕，好靚，食之前瘋狂影十幾張相先。飲品有一杯無酒精飲品和咖啡。呢個餐真食到心滿意足，氛圍浪漫，食物高質。