Bake N Grill (Closed)

香港租金貴，要搵抵食啲難免要離開大街，有幸人物網絡廣，每區都有熟人，今晚又有好介紹，鰂魚涌站出口附近橫街有間隱蔽鋸扒店，我們兩個東道主今晚請來自加國的一位朋友吃飯，又要威又要戴頭盔，平民地方請客，點個斧頭扒應該唔失禮！外牆貼滿菜單食物照片等等，尤其介紹斧頭扒非常吸引，發起人早就訂了。有賣手工啤，我鐘意甜啲，叫咗款荔枝味的，叫做 Matso's Craft Beer，真係完全唔苦，好飲。其餘兩位同伴各選芒果及薑，各人互試少少，果味香，夠新鮮。等陣食肉，大家先分享凱薩沙律，掛住傾計，忘記拍照。期待的斧頭扒份量無得假，三四個人都夠食，煎得好靚，面層焦燶裡面粉紅，就係最徍效果，皮香肉嫩，大滿足。仲有不少配料唔驚食唔飽，薯條粟米及健康蒜頭，全部烤至香口。食完飲杯花茶食杯雪糕，正好開胃減膩。一客斧頭扒賣$990，三人分享食得飽，集齊人馬算抵食。