Video
Read full review
2007-10-01
20 views
今日十月一日，同男朋友經過間明將，平時見好墟堪，因為只係五點半嘅關係，只係需要等四五張飛，未等下囉，見倒咁平，其實都無抱咩嘢期望，不過真係太難頂啦，點解可以差成咁，真係太過份！咁就就俾分嘅五方面嚟講啦：１）環境：都預咗係迫架啦，叫咗人上到去，本來俾我地的bar枱位唔知點解無咗，咁我地見倒張order枱未坐低囉，點知中招，原來係無紙order嘅，要人自己走去bar位果度攞，坐喺bar前面的人唔覺得煩我地都覺得自己唔好意思啦，咁都算啦，想叫人幫我地攞，態度都真係幾差，呆咗！２）味道：嘩！真係大開眼界，第一次食熱嘅壽司！竟然可以用熱嘅飯配魚生囉，真係呆咗！舊飯大舊都預咗架啦，咁嘅價錢唔係用飯令你飽可以點賺你錢呢！但係舊飯竟然熱嘅根本就食唔落！我完全食唔倒，難為男朋友仔幫我食咗幾夠，陰公！都唔知係太嬲一肚氣嘅關係定係真係，連啲茶我都覺得無味，用咗兩個茶包都係無味，咩茶嚟架！３）服務：咁嘅服務竟然要加一，真係覺得超唔值囉！啲人好似唔想做咁，態度勁差。咁我第一次去點知咁多未問下囉，都唔知咩態度嚟，好似好唔滿意咁。叫佢幫手，又好唔耐煩咁話等陣．．．無話可說！４）抵食：呢啲咁嘅quality，叫人點食
咁就就俾分嘅五方面嚟講啦：
１）環境：都預咗係迫架啦，叫咗人上到去，本來俾我地的bar枱位唔知點解無咗，咁我地見倒張order枱未坐低囉，點知中招，原來係無紙order嘅，要人自己走去bar位果度攞，坐喺bar前面的人唔覺得煩我地都覺得自己唔好意思啦，咁都算啦，想叫人幫我地攞，態度都真係幾差，呆咗！
２）味道：嘩！真係大開眼界，第一次食熱嘅壽司！竟然可以用熱嘅飯配魚生囉，真係呆咗！舊飯大舊都預咗架啦，咁嘅價錢唔係用飯令你飽可以點賺你錢呢！但係舊飯竟然熱嘅根本就食唔落！我完全食唔倒，難為男朋友仔幫我食咗幾夠，陰公！都唔知係太嬲一肚氣嘅關係定係真係，連啲茶我都覺得無味，用咗兩個茶包都係無味，咩茶嚟架！
３）服務：咁嘅服務竟然要加一，真係覺得超唔值囉！啲人好似唔想做咁，態度勁差。咁我第一次去點知咁多未問下囉，都唔知咩態度嚟，好似好唔滿意咁。叫佢幫手，又好唔耐煩咁話等陣．．．無話可說！
４）抵食：呢啲咁嘅quality，叫人點食得落口呢？我地兩個人只係食得十一定十二碟，仲要食得唔開心喎！
５）乾淨：我唔知啦，雖然我無肚痛，但我唔見得係乾淨囉。見倒啲飯熱住啲魚生同沙律，其實真係驚驚地。整壽司啲員工無戴口罩，啲頭髮又好長，頂所謂嘅帽好明顯只係用嚟裝飾，放咗喺個頭上面，哈哈！
總體無野好話，真係未試過食過一間差到咁嘅餐廳，第一次有咁嘅衝動上嚟寫食評，貼錢買難受，哈哈～真係請我都唔會再去食！
Post