69
19
26
Restaurant: Kcal
Info:

To encourage eatery outlets to reduce food waste at source together with customers through offering portioned meals and adopting food waste reduction measures, the Environmental Protection Department has launched the “Food Wise Eateries” Scheme. Participants will be awarded with a Food Wise Eateries (FWE) accreditation status if they comply with the assessment criteria and will be granted with the FWE Logo and Stickers for displaying in the premises and their promotion for public identification. Applications are accepted all year round and are FREE of charge.

For details, please click here, https://www.wastereduction.gov.hk/zh-hk/waste-reduction-programme/food-wise-hong-kong-campaign
Level2
27
0
請都唔會再去！
2005-08-16 24 views
今日聽我男朋友個五姨話呢間野好好食，同埋我男朋友想去滿記食甜品，咪特登搭車去羅！去到見到個場面，幾鬼多人，附近果幾間就靜now now ，諗住無介紹錯啦！入到去，我地叫左個和牛(10安士)同神戶牛柳(4安士)：-(1)我果個南瓜湯：勁難飲、勁啖！都唔知溝左幾多次水，人地D南瓜湯會"傑傑"地，佢就好似水咁，合埋眼飲仲意埋係水黎既！男朋友仔飲左個吞拿魚忌廉湯，比起我果個好飲好多！(即係比起飲水既話會有味羅！但都係唔好味，好淡！)(2)沙律：我係芝士沙律，本人對油同醋既物體勁唔鍾意，佢個沙律落左勁多橄欖油，好似唔駛錢咁！我食左兩啖之後俾左我男朋友食！佢果個係鴨胸沙律，我無食過，所以唔知好唔好食！(3)我食神戶牛柳跟天使麵：佢係用鐵板上，一黎到己經見到D油滿到瀉，個店小二仲想"琳"D汁上去，未"琳"D油已經係咁彈下彈下，再"琳"汁既話我真係不敢想像塊鐵板會點，所以我就叫佢唔好"琳"啦！食果陣真係好辛苦，張檯己經細，D油又係咁彈，完全唔係一種享受！塊牛真係唔錯，但佢地個汁勁唔掂！(苦嫁！你試過點牛肉既汁苦未？)塊鐵板太熱啦！D菇呀、蕃茄呀全部焦晒！我係一個蕃茄獸黎既，都可以放棄佢，真係可想而知！
Read full review
今日聽我男朋友個五姨話呢間野好好食，同埋我男朋友想去滿記食甜品，咪特登搭車去羅！去到見到個場面，幾鬼多人，附近果幾間就靜now now ，諗住無介紹錯啦！入到去，我地叫左個和牛(10安士)同神戶牛柳(4安士)：-

(1)我果個南瓜湯：勁難飲、勁啖！都唔知溝左幾多次水，人地D南瓜湯會"傑傑"地，佢就好似水咁，合埋眼飲仲意埋係水黎既！
男朋友仔飲左個吞拿魚忌廉湯，比起我果個好飲好多！(即係比起飲水既話會有味羅！但都係唔好味，好淡！)

(2)沙律：我係芝士沙律，本人對油同醋既物體勁唔鍾意，佢個沙律落左勁多橄欖油，好似唔駛錢咁！我食左兩啖之後俾左我男朋友食！
佢果個係鴨胸沙律，我無食過，所以唔知好唔好食！

(3)我食神戶牛柳跟天使麵：佢係用鐵板上，一黎到己經見到D油滿到瀉，個店小二仲想"琳"D汁上去，未"琳"D油已經係咁彈下彈下，再"琳"汁既話我真係不敢想像塊鐵板會點，所以我就叫佢唔好"琳"啦！食果陣真係好辛苦，張檯己經細，D油又係咁彈，完全唔係一種享受！塊牛真係唔錯，但佢地個汁勁唔掂！(苦嫁！你試過點牛肉既汁苦未？)塊鐵板太熱啦！D菇呀、蕃茄呀全部焦晒！我係一個蕃茄獸黎既，都可以放棄佢，真係可想而知！個天使麵一pat pat、又無味、又唔想點D汁(因為個汁真係好苦)，最後我都放棄，因為太難食！
男朋友要左個和牛跟菠菜麵：簡直係垃圾！佢黎既時候個店小二話呢塊係安格斯，我都已經打左個突！同我男朋友講，佢話算喎，可能落錯單！一睇個樣已經唔掂(我地叫6成熟，佢黎8-9成，算！又多膏又多根，一塊扒可以食既地方得果6-7成，算！)，食落口......垃圾！簡直係柴黎既，街口間茶餐廳仲好食過佢！菠菜麵無食過，唔知咩味！但睇落去唔係好掂(又係一pat pat)！

甜品：芝士蛋糕，我覺得呢個唔係cheese cake，係雪糕蛋糕黎！如果有賊既話，呢個可以用黎"博"濕佢！硬到要"嘆"一陣先切到，但"嘆"左一陣又溶喎！食既時候心情真係好複雜！
雪葩：D味好似藥水咁(唔係士多啤梨味！係橙味！你聽過橙味藥水未？！未既話可以試下！)又勁甜喎！我試左一啖就唔試啦！

餐飲：水蜜桃綠茶，超甜！唔係好得！
咖啡：唔知！聽我男朋友講唔掂！

埋單$537，睇返張單，落既係和牛黎！唉！真係未試過牛係咁難食！店小二問我既評語，我真係唔好意思講！

呢餐食到我同我男朋友一口泡，連滿記都唔想食！我D減肥大計可以成功，真係要多謝呢間野啦！

同我男朋友"食後檢討"，佢話佢塊扒唔好話和牛，連安斯都比唔上！唉！！！
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Spending Per Head
$270