嘉韻酒樓 (Closed)

如果唔係媽子要黎,本人在深井,諗到尾都唔會諗到呢間酒家.無法子,Ciao又唔係媽子杯茶,裕記坐得唔舒服.其他陳記一早列入黑名單.無可奈可.咁樣可以去遠少少架?媽子住在青龍頭,活動範圍,唯獨深井.連去屯門荃灣都已經叫遠,更遑論出九龍,過香港?兩口子食得唔多,例牌燒鵝,蒜茸豆苗,加埋個唔記得左係咩的小炒.燒鵝當然無可能同頂級貨色比.皮唔脆,肉味唔夠.不過媽子對食要求唔高.照樣收貨.豆苗好難做得唔好,間間都係咁上下.另外個小炒,我都唔記得左係咩,大約係咩小炒王之類.非常普通.連埋酒水茶芥,去左我差不多三百.他媽的貴.去裕記都唔使呢個價錢.一次半次,算.下次用盡牙力,說服媽子再去大八方先得.